प्रतिपादन‎:तालुक्यातील संघटीत गुन्हेगारी मोडून काढणार‎

जिल्ह्यातीलच नव्हे तर‎ तालुक्यातील संघटीत गुन्हेगारी‎ मोडून काढण्यासाठी प्रयत्न सुरू‎ आहे. शांततेला नख लावणाऱ्या‎ गुन्हेगाराला पोलिसी खाक्या‎ दाखवण्याचे काम सध्या‎ प्रगतीपथावर असल्याचे प्रतिपादन‎ जिल्हा पोलिस अधीक्षक अधीक्षक‎ डॉ.पवन बन्सोड यांनी केले आहे.‎ आर्णी तील प्रतिष्ठित सुवर्णकार‎ सुरेंद्र गावंडे यांना सोनेरी टोळीने २०‎ लाखांचा गंडा घातला होता.‎

अवघ्या काही दिवसातच पोलिस‎ अधीक्षक यांच्या मार्गदर्शनाखाली‎ सोनेरी टोळीला पोलिसांनी‎ गजाआड केले. पोलिस अधीक्षक‎ यांनी कार्यतत्परता कौतुकास्पद‎ असल्याने जनआंदोलन आधार‎ संघर्ष समितीचे अध्यक्ष जगदीश‎ नरवाडे यांच्या सह सुरेंद्र गावंडे यांनी‎ सपत्नीक पोलीस अधीक्षक डॉ.‎ पवन बन्सोड यांचा सत्कार करण्यात‎ आला. यावेळी ते बोलत होते.‎ महागाव तालुक्यातील अनेक‎ गुन्हेगार पोलिसांच्या रडारवर‎ आहेत. सोबत अवैध व्यावसायिक‎ यांची कुंडली काढण्याचे काम‎ अंतिम टप्प्यात आहे. त्यामुळे अवैध‎ व्यवसायातून गुन्हेगारीला चालना‎ देणाऱ्याचीही गय केल्या जाणार‎ नाही.

महागाव तालुक्यात खोट्या‎ तक्रारी पोलिस ठाण्यात येत‎ असल्याचे प्रकार प्रथमदर्शी समोर‎ येत आहे. यावर अंकुश‎ लावण्यासाठी पोलिसांना कानमंत्र‎ देण्यात येणार येणार असल्याचे‎ पोलिस अधीक्षक यांनी सांगितले.‎ महागाव पोलिस ठाण्यात अनेक‎ दिवसापासून प्रभारावर आहे.‎ पोलिसांचे संख्याबळही कमीच‎ आहे. पोलिस वसाहतीचे काम‎ संथगतीने सुरू असून याकडे‎ पोलीस अधीक्षक यांनी लक्ष वेधावे‎ अशी मागणी जन आंदोलन आधार‎‎‎‎‎‎‎‎‎‎‎‎‎‎‎‎‎‎‎‎ संघर्ष समितीचे अध्यक्ष जगदीश‎ नरवाडे यांनी पोलिस अधीक्षक डॉ.‎ पवन बन्सोड यांच्याशी चर्चे दरम्यान‎ केली आहे. लवकरच याकडे स्वतः‎‎‎‎‎‎‎‎‎‎‎‎‎‎‎‎‎‎‎‎ लक्ष देवून पुढील कार्यवाही‎ करण्यात येईल, असे सकारात्मक‎ आश्वासन पोलिस अधीक्षकांनी‎ दिले आहे.‎