आयपीएल क्रिकेट सट्टा खेळणारे 5 ताब्यात‎:परतवाडा पोलिसांनी दोन बुकींसह चौघांना सोमवारी केलेल्या कारवाईत पकडले‎

परतवाडा शहरात आयपीएलमधील‎ क्रिकेट सामन्यांवर मोठ्या प्रमाणात‎ सट्टा खेळल्या जात असल्याची बाब‎ समोर येताच सोमवारी (दि. ३)‎ परतवाडा पोलिसांनी स्थानिक दोन‎ बुकींसह चौघांना ताब्यात घेतले होते.‎ दरम्यान, मंगळवारी (दि. ४) याच‎ प्रकरणात पोलिसांनी सट्टा खेळणाऱ्या‎ पाच जणांना चौकशीसाठी ताब्यात‎ घेतले आहे.‎ सध्या आयपीएलमध्ये क्रिकेटचे‎ सामने सुरु आहेत. त्यामुळे या‎ सामन्यांवर पैसे लावून सट्टा‎ खेळणाऱ्यांची संख्याही वाढली आहे.‎ जुगार चालवणे हे बेकायदेशीर‎ असताना शहरात तरुण मुले मोठया‎ प्रमाणात सट्टा खेळत असल्याची‎ माहिती पोलिसांना मिळाली होती.‎ त्यावेळी परतवाडाचे ठाणेदार संदीप‎ चव्हाण यांनी सोमवारी सट्टा‎ चालवणाऱ्या बुकींचा शोध घेऊन‎ त्यांना पकडले. त्यावेळी काही व्यक्ती‎ स्वत:च्या मोबाइलवर ऑनलाइन‎ सट्टा खेळत असल्याचे पोलिसांना‎ समजले.

त्यामुळे पोलिसांनी आयुष‎ संजय हरदे (१९, हरदे नगर), निकुंज‎ राजेश खंडेलवाल (२२, चावलमंडी‎ अचलपूर), लक्ष्मण प्रभाकर‎ जिचकार (विदर्भ मिल जुनी चाळ),‎ किशोर पांडुरंग फणसे (समर्थ‎ कॉलनी देवमाळी) यांना ताब्यात‎ घेतले होते. त्यांच्याकडून ६८ हजार‎ रुपये किमतीचे ५ मोबाइल आणि ४‎ हजार ५३० रुपये रोख असा ७२ हजार‎ ५३० रुपयांचा मुद्देमाल जप्त करण्यात‎ आला होता. दरम्यान, परतवाडा‎ शहरात दोन बुकींच्या माध्यमातून ३०‎ ते ३५ जण सट्टा खेळत असल्याचे‎ पोलिसांच्या तपासात निष्पन्न झाले‎ होते. त्यापैकी पाच जणांना मंगळवारी‎ ताब्यात घेतले असून इतरांचा शोध‎ सुरू आहे.

संकेत शरद शेळके‎ (ब्राम्हणसभा कॉलनी) व राम‎ प्रकाश शर्मा (कश्यप पेट्रोलपंप मागे)‎ हे दोघेही भागीदारी पद्धतीने चालवत‎ होते. या क्रिकेट बुकींच्या माध्यमातून‎ तरुणांना ॲप डाऊनलोड करुन युजर‎ नेम व पासवर्ड दिला जात होता,‎ अशी पोलिसांची माहिती आहे. ही‎ कारवाई पोलिस अधीक्षक अविनाश‎ बारगळ, अप्पर पोलिस अधीक्षक‎ शशीकांत सातव, उपविभागीय‎ पोलिस अधिकारी अतुल नवगिरे,‎ ठाणेदार संदीप चव्हाण, मनोज कदम‎ व त्यांच्या सहकाऱ्यांनी केली.‎