आंदोलन:आझाद मैदानात पटवारी,‎ मंडळ अधिकाऱ्यांचे धरणे‎

महागांव तालुक्यातील तलाठी व‎ मंडळ अधिकारी यांचेवर गौण‎ खनिज प्रकरणात अन्यायकारक‎ कार्यवाही करून निलंबन करण्यात‎ आले आहे. हे निलंबन बिनशर्त मागे‎ घेण्याच्या मागणीसाठी गुरूवार, दि.‎ ९ मार्च रोजी आझाद मैदान येथे‎ विदर्भ पटवारी संघ व विदर्भ मंडळ‎ अधिकारी संघाने एक दिवशीय‎ धरणे आंदोलन केले.‎

‎ जिल्ह्यातील महागाव तालुक्यातील‎ फुल सावंगी येथील तलाठी आय.‎ बी. चव्हाण व टेंभी येथील तलाठी‎ डी. बी. चव्हाण तसेच येथील मंडळ‎ अधिकारी कांबळे यांनी गौण खनिज‎ प्रकरणातील नियमानुसार कार्यवाही‎ करून कार्यवाही करून सदर‎ अहवाल व माहिती संबंधीत‎ तहसिल कार्यालयास सादर केली.‎ सदर गौण खनिज चा लिलाव‎ झालेला असून लिलावाचे रक्कम‎ सुध्दा भरण्यात आलेली आहे.

फक्त‎ पावती अभावी रेती साठा जागेवर‎ पडून होता. या बाबतचा अहवाल‎ देखील संबंधीत तहसीलदार यांना‎ सादर केलेला आहे. सदर दोन्ही‎ तलाठयावरील व मंडळ अधिकारी‎ यांचेवरील निलंबन बिनशर्त मागे‎ घेण्याच्या मागणीसाठी आझाद‎ मैदानात एक दिवशीय धरणे‎ आंदोलन करण्यात आले. .‎ एकदिवशीय धरणे आंदोलनात‎ जिल्हा शाखेचे अध्यक्ष राजू‎ मानकर, सचिव भरत पिसे,‎ उपाध्यक्ष संजय मारकंड, सहसचिव‎ श्रीकांत तलवारे, कोषाध्यक्ष परिमल‎ डोळसकर यासह सर्व उपविभागाचे‎ पदाधिकारी, विदर्भ मंडळ‎ अधिकारी, पदाधिकारी, मंडळ‎ अधिकारी तसेच जिल्हयातील सर्व‎ तलाठी मोठया संख्येने सहभागी‎ झाले होते.