बेकायदा वाहतूक बंद:मारेगावात 3 ट्रॅव्हल्सवर पोलिसांची कारवाई‎ ; जप्त केल्या तीन ट्रॅव्हल्स

मोटार वाहन कायद्याची पायमल्ली‎ करत वणी ते यवतमाळ रस्त्यावर ‎ ‎ बिनधास्त धावणाऱ्या प्रवासी‎ ट्रॅव्हल्सवर कारवाई करा, या‎ मागणीसाठी नवाज शरीफ कादिर‎ शरीफ हा तरुण मंगळवार, ४ एप्रिल‎ पासून उपोषणाला बसला आहे. याची‎ दखल घेत परिवहन मंडळ, पोलिस‎ विभागाने संयुक्तपणे तीन प्रवाशी‎ ट्रॅव्हल्स जप्त करत कारवाई केली.‎ त्यामुळे ट्रॅव्हल्स व्यावसायिकांमध्ये‎ खळबळ निर्माण झाली आहे.‎ गेल्या अनेक वर्षांपासून यवतमाळ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ते वणी मार्गावर प्रशासनाच्या नाकावर‎ टिच्चून बेकायदेशीर वाहतूक सुरू‎ आहे. बऱ्याचवेळा आंदोलन, निवेदन‎ दिल्यानंतरही ट्रॅव्हल्स चालकावर‎ कुठल्याही प्रकारची कारवाई होत‎ नव्हती. ही बेकायदा वाहतूक बंद करा,‎ अशी मागणी जोर धरत होती.

अशात‎ ह्या सामाजिक हिताची दखल घेत‎ शहरातील मुस्लिम तरुण नवाज शरीफ‎ हा पवित्र रमजान महिन्यातील रोजा‎ करत मंगळवार, ४ एप्रिल पासून‎ उपोषणाला बसला आहे. या‎ उपोषणस्थळी आमदार बोदकुरवार‎ यांनी भेट देत कार्यवाही करण्याचे‎ आदेश दोन्ही विभागाला दिले होते.‎ उपोषणाची दखल घेत परिवहन‎ विभागाची दोन पथके बुधवार, ५ एप्रिल‎ रोजी वणी भागात गस्तीवर तैनात होती.‎ तर पोलिस विभागही अॅक्शनमोडवर‎ होते. अशातच तीन ट्रॅव्हल्स या भागात‎ येताच दोन्ही विभागाने संयुक्त‎ कार्यवाही करत ट्रॅव्हल्स जप्त करत‎ त्यांच्यावर शासकीय नियम तोडल्याने‎ दंड ठोकला आहे.‎