25 टन साखरेसह ट्रक लंपास:उर्वरित तिघांच्या शोधात पोलिस‎ पथके परजिल्ह्यात केली रवाना‎

धारदार चाकूचा धाक दाखवत सहा‎ ते सात जणांच्या टोळक्याने ट्रक‎ चालक - क्लिनरला मारहाण करीत‎ २५ टन साखरेसह ट्रक पळवून नेला‎ होता. या प्रकरणाचे गांभीर्य लक्षात‎ घेता पोलिसांनी चक्क दहा तासातच‎ ट्रकचा शोध घेत तिघांना अटक‎ केली होती. मात्र या प्रकरणातील‎ फरार तिघांचा शोध घेण्यासाठी‎ पोलिसांची विविध पथके‎ परजिल्ह्यात रवाना करण्यात आली‎ आहे. शशिकांत उर्फ जॅकी, विक्की‎ आणि लतीफ अशी ताब्यात घेण्यात‎ आलेल्या तिघांची नावे आहे.‎

शहरातील जांबरोड परिसरातील‎ ट्रक मालक-चालक योगेश रघुवंशी‎ आणि क्लिनर दुर्गेश दोघेही रविवारी‎ ट्रक क्रमांक एमपी-४८-एच-०७८८‎ मध्ये मध्य प्रदेशातील शहापूर येथून‎ २५ टन साखरेचा माल घेवून‎ सायंकाळी यवतमाळ येथील पी.के.‎ राजा यांच्याकडे घेवून निघाले होते.‎ सोमवारी पहाटे ४ वाजताच्या‎ सुमारास धामणगाव-यवतमाळ‎ मार्गावर असलेल्या नगर वन‎ जवळील बीडकर फॉर्मजवळ एका‎ चारचाकी वाहनाने ओव्हरटेक‎ करीत अचानक कार ट्रकसमोर‎ आडवी लावली. यावेळी चारचाकी‎ वाहनातील सहा ते सात जणांनी‎ क्लिनर दुर्गेश आणि ट्रक‎ चालक-मालक असलेला योगेश या‎ दोघांना चाकूचा धाक दाखवत‎ मारहाण केली. त्यानंतर दोघांच्या‎ खिशातील रोख रक्कम, मोबाईल‎ हिसकावत ट्रक घेवून पळ काढला‎ होता.‎