पद्मश्री डॉ. रवींद्र कोल्हे यांचे प्रतिपादन‎:यवतमाळातील सेवामूल्य‎ संपूर्ण महाराष्ट्रात रूजवा‎

यवतमाळात सामाजिक संस्थांनी‎ विविध कामांमधून संस्थेची व‎ शहराची ओळख निर्माण केली आहे.‎ यवतमाळातील हे सेवामूल्य‎ महाराष्ट्रातील प्रत्येक जिल्ह्यात‎ पोहोचले पाहिजे. त्यातून चांगली‎ माणसे व काम पुढे येईल आणि‎ समाजात मोठा बदल घडेल, असे‎ प्रतिपादन पद्मश्री डॉ. रवींद्र कोल्हे‎ यांनी केले. सेवाव्रती सुरेश राठी यांच्या‎ एकसष्टी पदार्पण सोहळ्यात प्रमुख‎ वक्ते म्हणून ते बोलत होते.‎ उमरी पठार येथील संत दोलाराम‎ महाराज वृद्धाश्रमाचे अध्यक्ष, नंदादीप‎ फाउंडेशन, प्रश्नचिन्ह, वंदन सेवा‎ समिती, सेवा समर्पण समिती,‎ मोक्षधाम सेवा समिती, प्रयासवन‎ आदी सेवाभावी संस्थाचे पालक‎ सदस्य तथा आर के एजन्सीचे‎ संचालक सुरेश राठी यांच्या ६१ व्या‎ वर्षात पदार्पणानिमित्त त्यांच्याशी‎ जुळलेले मित्रांनी आयोजित केलेल्या‎ या गौरव सोहळ्याच्या अध्यक्षस्थानी‎ किशोर दर्डा होते.

यावेळी किरण‎ सुरेश राठी उपस्थित प्रमुख अतिथी‎ होत्या.‎ डॉ. कोल्हे म्हणाले की, अनेक‎ स्वयंसेवी संघटनांच्या कामकाजाला‎ दिशा देण्याचे आणि त्यांना ऊर्जा‎ देण्याचे काम सुरेशभाऊंनी केले आहे.‎ यामुळे सर्व संघटनांचे एकच नाथ ते‎ म्हणजे सुरेशनाथ, असे गौरव उद्गार‎ दर्डा यांनी काढले. यावेळी प्रयास‎ सेवांकूर संस्था अमरावतीचे अध्यक्ष‎ डॉ. अविनाश सावजी, माहेश्वरी‎ समाजाच्या वतीने सुशील कोठारी,‎ केमिस्ट अँड ड्रगिस्टचे सचिव संजय‎ पिंपळखुटे, प्रयास संस्थेचे सचिव‎ मंगेश खुणे, मोक्षधाम सेवा समितीचे‎ सचिव गणेश गुप्ता, आम्ही‎ यवतमाळकर ग्रुपचे प्रमुख डॉ. प्रशांत‎ चक्करवार, सेवाभावी संस्थांचे‎ समन्वयक प्रा. घनश्याम दरणे, कृतार्थ‎ संस्थेचे संस्थापक प्रशांत बनगिनवार,‎ सुरेश राठी यांच्या भावसून वर्षा राठी,‎ बहीण रेखा चांडक, व्यवसायातील‎ भागीदार मित्र महेश करवा, किरण‎ सुरेश राठी, सुरेखा बंग, स्नुषा नीलम‎ राठी, मुलगा आशिष राठी यांनी‎ आपले मनोगत व्यक्त केले.‎