‎ राष्ट्रीय विज्ञान दिन:महाराष्ट्र अंधश्रद्धा‎ निर्मूलन समितीतर्फे‎ प्रात्यक्षिकातून जनजागृती‎

‎ राष्ट्रीय विज्ञान दिनानिमित्त‎ यवतमाळ येथील महाराष्ट्र‎ अंधश्रद्धा निर्मूलन शाखेचे जिल्हा‎ कार्याध्यक्ष प्रकाश आंबीलकर यांनी‎ पत्रकारांसमोर खास चमत्कारिक‎ प्रयोगांचे प्रात्यक्षिक करून दाखवले.‎ समाजातील काही भोंदू बाबा‎ लोकांना अशा प्रकारचे प्रयोग‎ दाखवून दैवी शक्ती प्राप्त‎ असल्याचा दावा करतात आणि‎ भोळे भाबडे लोक खरं समजून‎ त्यांच्या जाळ्यात फसतात. नंतर‎ मात्र हेच भोंदूबाबा त्यांची आर्थिक‎ फसवणूक करतात. शारीरिक‎ शोषण करतात. असं होऊ नये‎ म्हणून महाराष्ट्र अंनिसतर्फे‎ चमत्कारिक प्रयोगाचे सादरीकरण‎ करण्यात आले.

यावेळी प्रकाश‎ आंबीलकर यांनी पाणी टाकून दिवा‎ पेटवणे, पाण्याचा फवारा मारून‎ होम पेटवून दाखवणे, नारळातून‎ वस्तू काढून दाखवणे, अनुकूचीदार‎ लोखंडी खिळ्यांवर झोपून‎ दाखवणे, असे विविध प्रयोग करीत,‎ त्यामागील वैज्ञानिक सत्य सुद्धा‎ सांगितले. कुठे हात चलाखी तर‎ कुठे विविध रसायनांचा वापर करून‎ हे प्रयोग केले जातात. हे सुद्धा त्यांनी‎ यावेळी आवर्जून सांगितले. असे‎ प्रयोग करणाऱ्या भोंदू बाबांपासून‎ आपण सावध राहावे आणि‎ समाजालाही सावध करावे असे‎ आवाहनही आंबीलकर यांनी‎ यावेळी केले. या कार्यक्रमाला‎ जिल्हा माहिती अधिकारी मनीषा‎ सावळे प्रामुख्याने उपस्थित होत्या.‎