‎फोकस:माळ पठारावरील रुग्णांची‎ नाडी बोगस डॉक्टरांच्या हातात‎; आरोग्य विभागाचे हेतुपुरस्सर दुर्लक्ष‎

पुसद तालुक्यातील ग्रामीण भागांमध्ये मोठ्या‎ प्रमाणात बोगस डॉक्टरांनी दुकान थाटले‎ आहे. अशा बोगस डॉक्टरांच्या हातात‎ रुग्णांची नाडी दिल्या जात आहे. अशा गंभीर‎ बाबीकडे मात्र तालुका आरोग्य अधिकारी‎ जाणीवपूर्वक दुर्लक्ष करीत आहेत. त्यामुळे‎ वरिष्ठांनीच पुसद तालुक्याकडे लक्ष केंद्रित‎ करून बोगस डॉक्टरवर कारवाई करण्याची‎ मागणी आता जागृत जनतेकडून जोर धरत‎ आहे.‎ माळपठारावर हिवळणी, वसंतवाडी, मारवाडी,रोहडा, बेलोरा, वाघजाळी, ‎ ‎ मांजरजवळा, सत्तरमाळ, हनवतखेडा आदी ‎ ‎ ग्रामीण भागामध्ये मोठ्या प्रमाणावर बोगस ‎ दुकान थाटले आहेत. तर कारवाईच्या भीतीने‎ तर अनेक डॉक्टर घरोघरी जाऊन स्वस्त‎ दरात उपचार करीत आहेत.

रात्री अपरात्री‎ तात्काळ सेवा व तेही स्वस्त दरात मिळत‎ असल्याने अशा बोगस डॉक्टरांच्या हातात‎ रुग्णांची नाडी दिल्या जात असून त्यांच्या‎ आरोग्याची खेळ मांडल्या जात आहे. ज्या‎ डॉक्टरांना अॅलोपॅथीची प्रॅक्टिस करता येत‎ नाही अशा डॉक्टरांकडून वेगवेगळ्या प्रकारचे‎ औषधाची बॅगच घेऊन फिरत आहे. कितीही‎ गंभीर आजारी असलेला रुग्णाची तपासणी‎ देखील याच बोगस डॉक्टरांकडून केल्या जात‎ आहे.

अशा गंभीर बाबीकडे मात्र तालुका‎ आरोग्य अधिकारी जय नाईक जाणीवपूर्वक‎ दुर्लक्ष करीत आहे. त्यांना अशा बोगस‎ डॉक्टरांकडून हप्ते मिळत असल्याचे देखील‎ तक्रारी ग्रामीण भागातील जनतेकडून‎ लावल्या जात आहे. बोगस डॉक्टरांवर‎ कारवाई करण्यासाठी वारंवार लेखी व तोंडी‎ सूचना देऊनही तालुका आरोग्य अधिकारी व‎ गटविकास अधिकारी यांच्याकडून कारवाई‎ करीत नसल्याने त्यांच्यावर मनस्ताप व्यक्त‎ करत आहे.

प्रशासनाने भरारी पथक नेमून‎ बोगस डॉक्टरांवर कारवाई करावी अशी‎ मागणी देखील जनतेतून होत आहे. यात‎ विशेष बाब म्हणजे शहरातील नामांकित‎ डॉक्टरांच्या दवाखान्यात प्रॅक्टिस करणारे‎ कंम्पाऊंडरही स्वस्त दरात ग्रामीण भागातील‎ रुग्णांवर उपचार करीत आहेत. त्यामुळे अशा‎ निष्क्रिय तालुका आरोग्य अधिकाऱ्याची‎ हकालपट्टी करावी अशी मागणी जागृत‎ जनतेकडून जोर धरत आहे.‎

यादी चे काम सुरू‎
पुसद तालुक्यातील ग्रामीण भागातील‎ ग्रामसेवक, सरपंच, तलाठी, तंटामुक्ती‎ अध्यक्षासह गटविकास अधिकारी यांना‎ कळवले आहे. ग्रामीण भागात बोगस‎ डॉक्टर किती याची माहिती तेच देऊ‎ शकतात. त्यामुळे यादी तयार करण्याचे‎ काम सुरू आहे. त्यानंतरच कारवाई‎ करण्यात येईल. या आगोदर एक वर्षापूर्वी‎ शेंबाळपिंपरी येथे बोगस डॉक्टरवर‎ कारवाई केली होती.‎ -जय नाईक, तालुका आरोग्य‎ अधिकारी, पुसद.‎

जनतेच्या जिवाशी खेळ चालू‎
माळ पठारावर बोगस डॉक्टरांचा‎ सुळसुळाट सुटला आहे. प्रशासनाला‎ वेळोवेळी विनंती करून सुद्धा दररोज‎ जनतेच्या जिवाशी खेळ चालू आहे.‎ प्रशासनाने तात्काळ या बाबीकडे लक्ष‎ द्यावेत. दररोज जनता मृत्यूच्या तोंडाशी‎ जाऊन उभे राहतात. प्रशासन मूग गिळून‎ गप्प बसला आहे. माळ पठारावर बोगस‎ डॉक्टरांवर कारवाई करावी.भोळ्या‎ भाबड्या अज्ञानी असणाऱ्या जनतेतून‎ सर्रास लूट करत आहे.‎ -युवराज राठोड, सामाजिक कार्यकर्ता.