मागणी:डिझेलचे पैसे न देता काढला पळ‎

शहरापासून जवळच असलेल्या वरुड‎ पेट्रोल पंपावर आयशर चालकाने व त्याच्या‎ एका साथीदाराने संगनमत करून दि. ४ मार्च ते‎ ५ मार्चच्या मध्यरात्री २१ हजार रुपयाची डिझेल‎ भरले. त्या मोबदल्यात चौदा हजार रुपयांची‎ रक्कम दिली. उर्वरित सात हजार रुपयांची‎ मागणी केली असता वाद निर्माण केला.‎ त्यानंतर आयशर चालकाने भरधाव वेगाने‎ वाहन चालत पोबारा केल्याची खळबळजनक‎ घटना घडली आहे. आयशर चालका विरोधात‎ शहर पोलिस ठाण्यात गुन्हे दाखल करण्यात‎ आले आहे.‎ एसबी जयस्वाल पेट्रोलियम वरुड येथील‎ काम करणारा कर्मचारी गोपाल प्रेमसिंग जाधव‎ वय २६ वर्ष रा. नंदपूर मोहा यांनी दिलेल्या‎ तक्रारीवरून आयशर क्रमांक‎ एमएच-२९-बीई-५६८०च्या चालकासह‎ त्याच्या एका साथीदारा विरोधात गुन्हे दाखल‎ करण्यात आले आहे.

पोलिस सूत्रांकडून‎ मिळालेल्या माहितीनुसार, शहरापासून पाच‎ किलोमीटर अंतरावर असलेल्या वरुड येथील‎ एबी जयस्वाल यांच्या पेट्रोल पंपावर आयशर‎ चालकाने एकवीस हजार रुपये किमतीचे‎ २३३.३८ लिटर डिझेल भरले होते. आयशर‎ चालकाने १४ हजार रुपये दिले. उर्वरित सात‎ हजार रुपयाची मागणी केली असता वाद‎ निर्माण केला. त्यानंतर पैसे नसल्याचे सांगून‎ तुला काय करायचे ते करून घे अशी धमकी‎ देत शिवीगाळ केली. दरम्यानच्या वेळेला‎ आयशर चालकाने पोबारा केला.‎