इमारतीच्या जागेचा प्रश्न सुटला‎:कर्मचारी निवासस्थानाची इमारत‎ पाडण्यासाठी मिळाले ‘एनओसी’‎

येथील उपजिल्हा रुग्णालयाचे‎ इमारतीचे बांधकाम नियोजित‎ जागेवरील कर्मचारी‎ निवासस्थानाची इमारत पाडण्याच्या‎ ना हरकत प्रमाणपत्रामुळे अडकले‎ होते. सार्वजनिक बांधकाम‎ विभागाच्या इमारत पाडण्याच्या ना‎ हरकत प्रमाणपत्राने अकोला येथील‎ आरोग्य विभागाच्या उपसंचालकांनी‎ यांनी मोडकळीस आलेली कर्मचारी‎ निवासस्थानाची इमारत पाडण्याचा‎ प्रस्तावाला मंजुरी दिली आहे.‎ त्यामुळे उपजिल्हा रुग्णालयाच्या‎ नवीन इमारतीच्या जागेचा प्रश्न‎ आमदार बळवंत वानखडे यांच्या‎ प्रयत्नाने सुटला आहे. ‘दिव्य‎ मराठी’ने याबाबत १० एप्रिलच्या‎ अंकात वृत्त प्रसिद्ध केले होते.‎

अंजनगाव सुर्जी येथे ग्रामीण‎ रुग्णालयाचे उपजिल्हा‎ रुग्णालयामध्ये श्रीवर्धन करून ५०‎ खाटा क्षमतेचे एकूण २३ कोटी‎‎‎‎‎‎‎‎‎‎‎‎‎ रुपयांच्या इमारत बांधकाम‎ प्रशासकीय मान्यता प्राप्त असून,‎ बांधकाम करण्याच्या कंत्राट नागपूर‎ येथील आदित्य कन्स्ट्रक्शन‎ कंपनीच्या नावाने कार्यारंभ आदेश‎ झालेला आहे. येथील ग्रामीण‎ रुग्णालयाचर कर्मचारी निवासस्थान‎ इमारत ही सार्वजनिक बांधकाम‎ विभागाने बांधलेली अाहे याच‎ जागेवर नवीन उपजिल्हा‎ रुग्णालयाची इमारत बांधायची‎ असल्याने कर्मचारी निवासस्थानाची‎ इमारत पाडण्याकरिता सार्वजनिक‎ बांधकाम विभागाचे प्रमाणपत्र‎‎‎‎‎‎‎‎‎‎‎‎‎ आवश्यक होते.

हे नहारकत‎ प्रमाणपत्र सोमवारी (दि. १०)‎ अकोला आरोग्य सेवा मंडळाच्या‎ उपसंचालकाला प्राप्त झाले आहे.‎ या ना हरकत प्रमाणपत्रामुळे‎ कर्मचारी निवासस्थानाची इमारत‎ पाडण्याच्या प्रस्तावाला आरोग्य‎ सेवा मंडळाचे उपसंचालक डॉ.‎ तरंगतुषार वारे यांनी मंगळवारी (दि.‎ ११) मंजुरी दिली. त्यामुळे‎ अंजनगाव सुर्जी येथील उपजिल्हा‎ रुग्णालयाच्या इमारतीचा‎ बांधकामालचा प्रश्न निकाली‎ लागला आहे.‎