भक्तिमय वातावरण:नांदेड जिल्ह्यातील सालेगाव ते माहूर‎ गड 200 किमी अंतराची पायी यात्रा‎

नांदेड जिल्हा धर्माबाद तालुक्यातील‎ सालेगाव ते दत्त संस्थान माहूर गड‎ २०० किमी अंतराची पायी दिंडी‎ यात्रेचे उमरखेड तालुक्यातील‎ कृष्णापूर फाटा येथून मार्गक्रमण होत‎ आहे. या यात्रेत ३०० महिला व‎ पुरुषांनी सहभाग घेवून रोज २० किमी‎ अंतर पायी चालत माहूर गडाकडे‎ आगेकूच करत आहेत.‎ मजल दरमजल करत श्री. संत‎ अरूण महाराज पुरी यांच्या नेतृत्वात‎ पायी दिंडी यात्रेला २८ जानेवारीपासून‎ सुरूवात झाली असून १ फेब्रुवारीला‎ उमरखेड तालुक्यातील कृष्णापूर‎ फाटा येथे दिंडीचे जंगी स्वागत‎ करण्यात आले.

यावेळी अरूण‎ महाराज पुरी यांच्याशी संवाद‎ साधला असता, त्यांनी दिंडीचे महत्व‎ विषद केले. ते म्हणाले की, आपल्या‎ परंपरेत कोणतीच यात्रा केवळ‎ रस्त्यावरचे अंतर कापण्यासाठी होत‎ नसते. केवळ फिरणे हा या मागचा‎ उद्देश नसतो. प्रत्येक यात्रा ही मनाची‎ आणि विचारांची पेरणी करणारी‎ असते. शरीराचा व भक्तिमय‎ भजनांचा संचार हा समाज जागे‎ करण्याचे माध्यम असते. आम्ही‎ देखील पायी दिंडी यात्रेच्या‎ माध्यमातून समाजातील अंधश्रध्दा,‎ व्यसनाधीनता व खुळचट चालीरीती‎ यांच्यावर प्रहार करून समाज‎ जागृतीचे काम करत आहे.

तसेच‎ पायी दिंडी यात्रा ही शारिरीक‎ तपस्येच्या माध्यमातून मनाची‎ साधना आणि विचार मंथन‎ घडवणारी मोठे साधन आहे. ही‎ यात्रा धर्माबाद तालुक्यातील मोखंडी,‎ भोकर, हिमायतनगर तालुक्यातील‎ वडगाव, दिघी, उमरखेड‎ तालुक्यातील कृष्णापूर महादापूर,‎ येथे श्रीदत्त प्रभूचे गुणगाणगावुन‎ भजन, किर्तन करून आणि होम‎ हवन करून भक्त मंडळींना‎ मार्गदर्शन करणार आहोत. दि. ३‎ फेब्रुवारी पौर्णिमेच्या दिवशी यापायी‎ दिंडी सोहळ्याची समाप्ती होणार‎ आहे.

या वारीत मृदंग वादक हनुमंत‎ पाटील शिंदे, पेटी वादक संभाजी‎ सूर्यंवशी, गायनाचार्य बालाजी मोरे,‎ भजन करी विठ्ठल धारजने, तानाजी‎ वडजे, गुरुकृपा भजनी मंडळ‎ सालेगाव, महापूजा मांडणी‎ विठ्ठलराव पाटील, मारोतराव‎ भायेगाये, भोपाळी पंडितराव भुताळे,‎ मोहनराव गोमासे, दत्तराम‎ रामखडक, व दिंडी सहायक‎ सालेगाव, डेरला, पातोडा, तानुर,‎ येळवी, वाडवणा, हंगरगा, रामटेक,‎ इत्यादी गावातील महिला मंडळी या‎ पायी दिंडी सोहळ्यात सहभागी झाले‎ आहेत.‎