दिव्य मराठी विशेष:पोलिस भरतीच्या उमेदवारांसाठी ‘संकल्प’चे अन्नछत्र‎

‎पोलिस दलातील रिक्त जागांसाठी‎ भरती प्रक्रीया पोलिस कवायत मैदान‎ येथे सुरू झाली आहे. राज्याच्या‎ कानाकोपऱ्यातून या भरतीसाठी‎ येणाऱ्या गरजू उमेदवारांना‎ जेवणासाठी भटकंती करावी लागु‎ नये यासाठी संकल्प फाउंडेशनच्या‎ पुढाकारातून अन्नछत्र सुरू करण्यात‎ आले आहे. या ठिकाणी भरतीसाठी‎ येणारे सर्व उमेदवार आणि भरती‎ प्रक्रीया राबवणारे पोलिस‎ अधिकारी, कर्मचारी या सर्वांच्या‎ भोजनाची व्यवस्था करण्यात आली‎ आहे. २२ दिवस चालणाऱ्या या‎ भरती प्रक्रियेच्या शेवटच्या‎ ‎ ‎ ‎ ‎ दिवसापर्यंत ही भोजनसेवा सुरू‎ ठेवण्याचा निर्धार संकल्पने केला‎ आहे. पोलिस कवायत मैदानावर‎ सोमवारपासून पोलिस भरतीला‎ सुरवात झाली आहे. त्यात‎ राज्यभरातून विद्यार्थी सहभागी‎ होणार आहे.

त्यांच्या भोजनाची‎ ‎व्यवस्था संकल्प फाउंडेशनच्या‎ वतीने करण्यात आली असून‎ महाराष्ट्र पोलिस बॉईज‎ असोसिएशन शाखा यवतमाळ‎ त्यांना मदत करीत आहे. पुढील २०‎ दिवस ही भरती प्रक्रीया सुरू राहणार‎ आहे. यादरम्यान दरदिवशी दुपारी १२‎ ते २ या वेळात भरतीसाठी येणाऱ्या‎ शेकडो उमेदवारांच्या भोजनाची‎ व्यवस्था करण्यात येते. मंगळवारी‎ दिवसभरात ११०० उमेदवारांनी‎ भोजन सेवेचा लाभ घेतला. दुसऱ्या‎ दिवशी सकाळी मैदानी चाचणी‎ असलेले उमेदवार रात्रीच‎ मुक्कामासाठी येत आहे. अशा‎ उमेदवारांना रात्रीचे जेवण देण्याची‎ व्यवस्थाही संकल्पच्या वतीने‎ करण्यात आली आहे. तब्बल २२‎ दिवस चालणाऱ्या ह्या भरती दरम्यान‎ सर्व उमेदवार, पोलीस अधिकारी व‎ कर्मचारी ह्यांच्या भोजनाची‎ जबाबदारी सर्व यवतमाळ करांच्या‎ मदतीने करण्याचा संकल्प केला‎ आहे.

यासोबतच उघड्यावर रात्र‎ काढणाऱ्या उमेदवारांसाठी‎ निवासाची व्यवस्था इंदिराजी ट्रस्टचे‎ संस्थापक प्रवीण देशमुख ह्यांच्या‎ पुढाकाराने याच ठिकाणी करण्यात‎ आली आहे.‎ दरम्यान २ जानेवारी रोजी या भोजन‎ सेवेची सुरूवात करण्यात आली.‎ यावेळी जिल्ह्याचे पोलीस अधीक्षक‎ डॉ. पवन बन्सोड ह्यांनी स्वतः‎ उमेदवार विद्यार्थ्यांना भोजन सेवा‎ दिली. त्यांचे सोबत अप्पर पोलीस‎ अधीक्षक पीयूष जगताप,‎ अवधूतवाडी पोलिस ठाण्याचे‎ ठाणेदार मनोज केदारे उपस्थित होते.‎

संकल्पला लोकसहभागाची मोलाची मदत‎
भरतीसाठी यवतमाळ शहरात येणाऱ्या एकाही उमेदवाराला उपाशी रहावे‎ लागु नये यासाठी संकल्पने भोजन व्यवस्था उपलब्ध करण्याचा संकल्प‎ केला आहे. त्यासाठी फाउंडेशनचे ५५ ते ६० सदस्य अविरत कार्यरत असुन‎ लोकसहभागातून हा गाढा ओढला जात आहे. त्यासाठी यवतमाळकरांची‎ मोलाची मदत मिळत असल्याने संपुर्ण २२ दिवस हा भोजनाचा यज्ञ सुरू‎ राहणार आहे.‎- प्रलय टीप्रमवार, संकल्प फाऊंडेशन, यवतमाळ‎