संकल्प‎:शाळेला 125 वर्षे पूर्ण, नऊ‎ दशकातील माजी विद्यार्थी एकत्र‎

सन १९४० ते २०२०अशा नऊ‎ दशकातील हजारो माजी विद्यार्थी व‎ शिक्षकांचा अनोखा व भावपूर्ण स्नेह‎ मिलन सोहळा रविवारी अकोला‎ बाजारवासीयांनी अनुभवला.‎ अकोला बाजार येथील जिल्हा‎ परिषद प्राथमिक मराठी शाळेला‎ १२५ वर्ष पूर्ण झाल्यानिमित्त‎ आयोजित सोहळ्यात तब्बल नऊ‎ पिढ्यांमधील माजी विद्यार्थी‎ एकत्रित आले होते.‎ माजी विद्यार्थी आपली शाळा,‎ गाव, सवंगडी व शिक्षकांच्या‎ ओढीने मोठ्या संख्येने शाळेत‎ एकत्रित आले होते. यानिमित्ताने‎ अकोला बाजार हे गाव व जिल्हा‎ परिषदेच्या प्राथमिक व माध्यमिक‎ या दोन्ही शाळांप्रती कृतज्ञता व्यक्त‎ करण्यासाठी दरवर्षी एक दिवस‎ गावासाठी देण्याचा संकल्प माजी‎ विद्यार्थ्यांनी केला.

या कार्यक्रमात‎ प्रमिलाबाई जयस्वाल, यादवराव‎ रामटेके, अॅड. रामप्रसाद मनक्षे व‎ डॉ. लखनलाल जोशी या‎ स्वातंत्र्यपूर्व काळात शाळेत शिक्षण‎ घेतलेल्या माजी विद्यार्थ्यांचा सत्कार‎ करण्यात आला. यावेळी शाळेला‎ १२५ वर्ष पूर्ण झाल्यानिमित्त लावलेले‎ विशेष फलक, जुन्या वस्तूंची‎ प्रदर्शनी, जुन्या आठवणींनी उजाळा‎ देणाऱ्या स्मरणिकेचे विमोचन‎ मान्यवरांच्या हस्ते करण्यात आले.‎ प्राथमिक शाळेतील कार्यक्रमाच्या‎ अध्यक्षस्थानी अॅड. रामप्रसाद मनक्षे‎ तर माजी मुख्याध्यापक एम. पी.‎ शेरेकर होते.

या स्नेह मीलन‎ सोहळ्यात विठ्ठल पाडवार, डॉ. एन‎ के पुराणिक, डॉ. सीमा शेंडे, डॉ.‎ विनोद मनक्षे, सचिन निंबाळकर,‎ सुमित अग्रवाल, शीला मोवाडे‎ भवरे, अविनाश पाम्पट्टीवार,‎ शिवानंद पेढेकर, भारत वर्मा,‎ अविनाश दुधे, शुभम ठाकरे, कृष्णा‎ कावळे, सूरज जयस्वाल, मधुर‎ मनक्षे, विजय पुरी, लक्ष्मण कपाट,‎ संजय जगताप आदी माजी‎ विद्यार्थ्यांचा सत्कार करण्यात‎ आला. माजी शिक्षक मारोती‎ काळेकर, ज्योत्स्ना पांडे, सुनीता‎ काळे, फुलचंद धुप्पड, लीलाधर‎ खडसे, राजगुरे, रोहणे, बोलेवार,‎ कृष्णराव कांबळे, आर. व्ही. होटे,‎ भाकरे, ताई काकडे यांचाही सत्कार‎ करण्यात आला.

यावेळी अॅड.‎ रामप्रसाद मनक्षे , हरिभाऊ लेले,‎ राधेश्याम चेले, डॉ. पुराणिक, डॉ.‎ सीमा शेंडे, डॉ. विनोद मनक्षे,‎ सचिन निंबाळकर, शिवानंद‎ पेढेकर, भारत वर्मा, खडसे ,‎ राजगुरे, धुप्पड, वंदना खराटे, शुभम‎ ठाकरे, नरेंद्र सिंग चव्हाण या‎ मान्यवरांनी आपल्या भावना व्यक्त‎ केला. सुनील कन्नावार यांच्यातर्फे‎ वाचनालय साहित्य, अमोल माळे,‎ संतोष अग्रवाल, राजू काटपेलवार,‎ मधुकर डाखोरे , विजय वट्टी यांनी‎ पाच मॅटिन भेट देण्यात आले.‎ प्राथमिक शाळेत कार्यक्रमाचे‎ संचालन विनोद डाखोरे व‎ माध्यमिक शाळेत ओंकेश्वर‎ हिवराळे, प्रास्ताविक हमीदखां‎ पठाण आणि आभार उदय जोशी‎ यांनी मानले.‎