विज्ञान प्रदर्शन:विचारातून संधी साधली तर विज्ञान वरदान ठरेल‎

विद्यार्थ्यांशी संवाद साधताना मेंदूत‎ विचार येणं हेच तुमच्या अंतरंगातील‎ वैज्ञानिक लक्षण आहे. त्यामुळे विचार‎ यायला हवे, कल्पना सुचायला हव्या व‎ समस्यांचे संधीत रूपांतर करायला हवे‎ तरच विज्ञान हे वरदान ठरेल, असे‎ प्रतिपादन शिक्षणाधिकारी प्रमोद‎ सूर्यवंशी यांनी व्यक्त केले.‎ दिग्रस विद्याभारती इंग्लिश‎ मीडियम स्कूल येथे दि. २८‎ जानेवारीला ५० वे तालुकास्तरीय‎ विज्ञान प्रदर्शन तथा निपुण भारत‎ अंतर्गत शिक्षकांचे शैक्षणिक‎ साहित्य प्रदर्शन पंचायत समिती‎ दिग्रसच्या वतीने घेण्यात आले.‎ त्याप्रसंगी विद्यार्थ्यांना संबोधित‎ करतांना ते बोलत होते.

विज्ञान‎ प्रदर्शनात प्राथमिक गटात ३९ प्रयोग,‎ माध्यमिक गटात २८ प्रयोग तर‎ शिक्षक प्रतिकृती गटात ३ शिक्षक‎ सहभागी झाले. विद्यार्थी प्रतिकृती‎ तथा शिक्षक प्रतिकृतीचे तज्ञ विज्ञान‎ शिक्षक प्रा. व्ही. एन. झंवर, प्रा.‎ संतोष सोळंके, प्रा.पवन गावंडे,‎ प्रा.हितेश राठोड यांनी परीक्षण केले.‎ प्रत्येक गटातून उत्कृष्ट तीन‎ प्रयोगांची निवड केली. स्पर्धेचे‎ बक्षीस वितरण यवतमाळ जिल्हा‎‎‎‎‎‎‎‎‎‎‎‎ परिषदेचे शिक्षणाधिकारी प्रमोद‎ सूर्यवंशी व पंचायत समितीचे‎ गटशिक्षणाधिकारी मुकेश कोंडावर‎ यांचे हस्ते करण्यात आले.

विज्ञान‎ प्रदर्शनाच्या उद्घाटन समारंभाला‎ दि. २७ जानेवारी २०२३ रोजी‎ तहसीलदार सुधाकर राठोड,‎ गटविकास अधिकारी रमेश खरोडे,‎ गटशिक्षणाधिकारी मुकेश‎ कोंडावार, विस्तार अधिकारी शुभदा‎ पाटील, राज्य पुरस्कार प्राप्त शिक्षक‎ विजय विश्वकर्मा, यशदा प्रशिक्षक‎ तथा उपक्रमशील शिक्षक प्रसाद‎ देशपांडे, विद्याभारती शाळेचे‎ मुख्याध्यापक अमोल खिल्लारे हे‎ उपस्थित होते. तसेच बक्षीस वितरण‎ सोहळ्यास विद्यानिकेतन शाळेचे‎ मुख्याध्यापक नितीन राऊत,‎ केंद्रप्रमुख किरण बारशे व केंद्रप्रमुख‎‎‎‎‎‎‎‎‎‎‎‎ हेमंत दळवी इत्यादी मान्यवर‎ उपस्थित होते.

विद्यार्थी प्रतिकृती‎ मध्ये प्राथमिक गटात ट्रान्सपोर्ट अँड‎ इनोव्हेशन व माध्यमिक गटात स्पेस‎ अँड एनवोर्मेन्ट कन्सर्न या‎ विद्यानिकेतन इंग्लिश मीडियम‎ स्कूल च्या बाल वैज्ञानिकांनी तयार‎ केलेल्या विज्ञान प्रति कृतींना प्रथम‎ क्रमांक प्राप्त झाला. देवेश लाहोटी,‎ कुंज निमोदिया आणि अथर्व राऊत‎ तथा प्राची कोपनर, दिशिता‎ निमोदिया, स्वर्निम सत्तुरवार या‎ विद्यार्थ्यांना मान्यवरांच्या हस्ते‎ प्रशस्ती पत्र व सन्मानचिन्ह प्रदान‎ करण्यात आले. प्राथमिक गटात‎ द्वितीय क्रमांक विद्याभारती इंग्लिश‎ मीडियम स्कूल तंजीला खलीखाऊ,‎ वैष्णवी गुरगुडे व तृतीय क्रमांक‎ दिनबाई विद्यालय दिग्रसचे अनुराग‎ इंगोले यांनी प्राप्त केला तसेच‎ माध्यमिक गटात द्वितीय क्रमांक‎ दिनबाई विद्यालय दिग्रसचे सौरभ‎ पद्मावार, सार्थक कोशटवार यांनी‎ तर तृतीय क्रमांक मोहनाबाई कन्या‎ शाळा दिग्रसची वैष्णवी हेडगीर,‎ सायली उंबरकर हिने पटकावला.‎

शिक्षक प्रतिकृती गटात प्राथमिक‎ विभाग गिरीश साबळे विज्ञान‎ शिक्षक जि प उच्च प्राथमिक शाळा‎ महागाव यांच्या भौमितिक आकार व‎ क्षेत्रफळ या साहित्यास प्रथम‎ क्रमांक मिळाला. माध्यमिक विभाग‎ भाग्यश्री गेडाम शासकीय निवासी‎ आश्रम शाळा इसापूर यांच्या‎ गृहोपयोगी टॉर्चला प्रथम क्रमांक तर‎ प्रयोगशाळा सहाय्यक विभाग कु.‎ आर. एन. मोरे यांच्या ''सेफ्टी‎ स्लीपर '' या साहित्यास प्रथम‎ क्रमांक मिळाला. कार्यक्रमाचे‎ संचालन गट संसाधन केंद्र दिग्रसचे‎ विज्ञान विभाग प्रमुख प्रशांत‎ कवठकर व अश्विनी निमकर यांनी‎ केले. कार्यक्रमाच्या यशस्वितेसाठी‎ लता चव्हाण, जयश्री ढोले, गोपाल‎ गंगापुरे, भारती सूर्यवंशी, महेश‎ एंबल, राजेश राठोड यांचे सह‎ विद्याभारती शाळा व पंचायत‎ समिती शिक्षण विभाग दिग्रसच्या‎ शिक्षक कर्मचाऱ्यांनी परिश्रम घेतले.‎