दुजाभाव व अन्याय‎ दुर:विविध मागण्यांसाठी शिकलकरी शीख‎ संघटनेची विधान भवनावर धडक‎

अशिक्षित शिकलकरी समाजावर होत‎ असलेला शासकीय दुजाभाव व अन्याय‎ दुर करण्यात यावा, यासह इतर‎ मागण्यांसाठी शिकलकरी शीख यांनी‎ आक्रमक होत संघटनेच्या वतीने नागपूर‎ विधानभवनावर मोर्चा काढून धरणे‎ आंदोलन केले. यावेळी मुख्यमंत्री एकनाथ‎ शिंदे यांना निवेदन देऊन विविध समस्यांवर‎ संघटनेच्या पदाधिकाऱ्यांनी‎ मुख्यमंत्र्यांसोबत चर्चा केली.‎ , शिकलकरी शीख समाज महाराष्ट्रातील‎ ३६ जिल्ह्यातील ३४० तालुक्यात वास्तव्यास‎ आहे. परंतु हा समाज अशिक्षित असल्याने‎ त्यांच्यावर अन्याय होत आहे. हा समाज‎ शासकीय सुविधा योजनांपासून आजपर्यंत‎ वंचित राहिला आहे.

भटके विमुक्त‎ जाती-जमातीतील नागरिक असतानाही‎ त्यांना शासकीय योजना व सुविधांचा लाभ‎ मिळत नाही. मागील साडेचारशे वर्षांपासून‎ भारत देशांतर्गत होणाऱ्या स्वातंत्र्य पूर्व‎ काळात स्वातंत्र्य संग्रामात मानवी‎ हक्कांसाठी झालेल्या युद्धांमध्ये अनेक‎ शूरवीर योद्ध्यांना शिकलकरी समाजाने‎ विशिष्ट शस्त्रसाठा तलवार, तीर, कमान,‎ भाले आदी प्रकारांच्या शस्त्रांचा पुरवठा‎ केला होता.

क्रांतिकारी भारत देशाच्या‎ स्वातंत्र्य संग्रामात ऐतिहासिक योगदान‎ सोनेरी अक्षराने नमुद आहे. महाराष्ट्रातील‎ ३६ जिल्ह्यात ११ ते १२ लाख लोकसंख्येत‎ असलेल्या शिकलकरी शीख समाज‎ अशिक्षीत असल्याने भटकलेल्या‎ परिस्थितीत अत्यंत गरीब अवस्थेमध्ये‎ जीवन जगत आहे. त्यामुळे या समाजातील‎ युवकांना विशिष्ट आरक्षण अंतर्गत‎ शासकीय नोकऱ्या देण्यात याव्यात,‎ समाजाच्या विविध समस्या सोडवण्यात‎ याव्यात, गुरूद्वारा सचखंड बोर्ड, नांदेड‎ येथील गुरूद्वारा निवडणुकीत या‎ समाजातील एका सदस्याची गुरुद्वारा बोर्ड‎ मध्ये अशासकीय सदस्यपदी निवड‎ करावी, अशी मागणी करण्यात आली.‎ यावेळी महाराष्ट्रातील मोठ्या संख्येने‎ शिकलकरी समाज बांधव उपस्थित होते.‎