विश्वकर्मा जयंती महोत्सव‎:शिरपूर येथे श्री विश्वकर्मा जयंती उत्साहात‎

जैन‎ शिरपूर येथे दरवर्षीप्रमाणे याही वर्षी‎ श्री विश्वकर्मा संस्थान मूळ देवस्थान‎ येथे श्री विश्वकर्मा जयंती महोत्सव‎ मोठ्या उत्साहात साजरा करण्यात‎ आला. १ ते ३ फेब्रुवारी दरम्यान या‎ महोत्सवाचे आयोजन करण्यात आले‎ होते. यावेळी हजारो भाविकांनी‎ महाप्रसादाचा लाभ घेतला.‎ श्री विश्वकर्मा संस्थान मूळ‎ देवस्थान शिरपूर येथे दरवर्षी प्रमाणे‎ याही वर्षी श्री चा महोत्सव‎ विश्वकर्मीय बांधवाकडून मोठया‎ उत्साहात साजरा करण्यात‎ आला.

यावेळी विविध धार्मिक‎ कार्यक्रमाचे आयोजन करण्यात‎ आले होते. ता १ रोजी सकाळी धर्म‎ ध्वजारोहण जनार्दन पंत उद्धवराव‎ रत्नपारखी अध्यक्ष विश्वकर्मा‎ संस्थान शिरपूर व श्रीकांत अरुणराव‎ साखरकर अध्यक्ष विश्वकर्मा जयंती‎ उत्सव समिती यांचे शुभ हस्ते पार‎ पडले.तसेच श्री विश्वकर्मा प्रभू व‎ संत पदमाजी महाराजांचा अभिषेक व‎ पूजा करण्यात आली,ता २ रोजी‎ सकाळी पिवळे वस्त्र परिधान करून‎‎‎‎‎‎‎‎‎‎‎‎‎‎‎‎ गावातून कलश यात्रा काढण्यात‎ आली, त्यानंतर गायत्री महायज्ञ,श्री‎ विश्वकर्मा यज्ञ सुरू झाला, यावेळी‎ यज्ञ पुरोहित म्हणून पुरुषोत्तम जी‎ दुरतकर व गायत्री परिवार वाशिम हे‎ होते,तर ता ३ रोजी सकाळी गायत्री‎ यज्ञ हवन व पूर्णाहुती त्या नंतर श्री‎ विश्वकर्मा प्रभूची पालखी मिरवणूक‎ गावातून काढण्यात आली यावेळी‎ समाजबांधवांची मोठ्या संख्येने‎ उपस्थिती होती.

त्यानंतर समाज‎ मेळावा घेण्यात आला यावेळी‎‎‎‎‎‎‎‎‎‎‎‎‎‎‎‎ मंचावर विश्वस्त रमेशपंत केजकर,‎ रामदास पंत काटकर, श्रीकांत‎ साखरकर, पुरुषोत्तम दुरतकर, विनोद‎ मुगावानकर, संजय हांडेकर मूर्तिकार‎ आदी मान्यवरांची उपस्थिती होती.‎ उत्सव समितीच्या वतीने मान्यवरांचे‎ स्वागत करण्यात आले त्यानंतर‎ यज्ञासाठी बसलेल्या सर्व यजमानांचे‎ शाल, टोपी, साडी देऊन सपत्नीक‎ स्वागत करण्यात आले,

मंदिरचे‎ पुजारी तथा विश्वकर्मा पुराण वाचक‎ गजानन मुगावानकर यांचे स्वागत,‎ मूर्तिकार संजय हांडेकर,गायत्री‎ परिवार वाशिम चे पुरुषोत्तम‎ दुरतकर,शुभम गहुले आदी‎ मान्यवरांचे शाल, पुष्पहार, साडी‎ आदी देऊन सत्कार करण्यात‎ आला.या समाज मेळाव्यात‎ मान्यवरांकडून मार्गदर्शन करण्यात‎ आले, तर श्री विश्वकर्मा मंदिराचे‎ बांधकाम करण्यासाठी संकल्प‎ करण्यात आला, या कार्यक्रमाचे‎ संचालन, प्रास्ताविक उमेश गिरडे‎ यांनी केले तर आभार किशोर‎ मुगावानकर यांनी मानले त्यानंतर‎ भव्य महाप्रसाद वाटप करण्यात‎ आला.

श्री विश्वकर्मा जयंती‎ महोत्सवा दरम्यान राज्यभरातील‎ विविध ठिकाणावरून विश्वकर्मीय‎ भाविक उपस्थित झाले होते.कोरोना‎ काळानंतर प्रथमच श्री विश्वकर्मा‎ जयंती महोत्सव मोठया प्रमाणात‎ साजरा झाला,त्यामुळे भाविकांत‎ मोठा उत्साह दिसून आला. या सर्व‎ कार्यक्रमांचे नियोजन अध्यक्ष व‎ विश्वस्त समिती श्री विश्वकर्मा‎ संस्थान शिरपूर व श्री विश्वकर्मा‎ जयंती महोत्सव समिती यांच्याकडून‎ उत्तम करण्यात आले.‎