आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

कपाशी:सोयाबीनचा उतारा घसरला, कपाशीच्या पहिल्या वेचणीतच होताहेत पऱ्हाट्या

यवतमाळ3 दिवसांपूर्वी
  • कॉपी लिंक

शेतकऱ्यांवर एकापाठोपाठ एक संकट कोसळत असून अतिवृष्टी व नापिकीने शेतकरी हवालदिल झाले आहेत. यंदा सोयाबीनचा उतारा घसरला, तर कपाशी पिकांचे पहिल्या दुसऱ्या वेचणीतच पऱ्हाट्या होत असल्याने पिकांना लागणारा खर्चही निघत नसल्याने परिसरातील शेतकरी हवालदिल झाले आहेत. मागील वर्षी नोव्हेंबर महिन्यात बाजार समितीत चार हजार पाचशे क्विंटल कापूस आलेला होता. यंदा केवळ सहाशे क्विंटल कापूस आलेला आहे.

अतिवृष्टीने सोयाबीन पिकांचा उतारा पूर्णपणे घसरला त्यानंतर पहिली नंतर दुबार, तिबार लागवड झाली. त्यानंतर, खत, डवरे, निंदन, फवारणी अशा प्रकारे कपाशी पिकांना मोठया प्रमाणात खर्च झाला उसनवारीने शेतीचा खर्च सर्वाधिक झाला आहे. परंतु यावर्षी कपाशी पिकांची वाढ झाली नाही. कुठे हातभर, टोगंळा गळाभर तर कुठे कंबरभर कपाशी पिकांची वाढ झाली आहे.

त्यावर ही लाल्यासह इतर ही रोगराई पसरली असून टोंगळाभर व कंबरभर कपाशी पिकांना बोंड ही बोटावर मोजण्या इतक्याच लागल्याने फुटून फुटून कीती कापूस फुटणार व कीती कापूस होणार असा प्रश्न शेतकऱ्यांना पडला आहे. यावर्षी पहिल्या वेचणीतच कपाशीची पऱ्हाटी झाल्याचे दिसून येत आहे. त्यातच कापसाला कमी भाव असुन वेचणाराला मात्र भाव आलेला आहे. वेचणारे दहा ते बारा रुपये किलो प्रमाणे कपाशीची वेचणी करीत आहे. त्यातच मजुरही मिळत नसल्याने आधीच अतिवृष्टीमुळे वाती झालेला कापूस झाडालाच वाळत असुन त्याचे दिवसेंदिवस वजनही घटत आहे. परिणामी कपाशी, सोयाबीन, या पीक उत्पादक शेतकऱ्यांची निराशा झाली असून शेतीला लागणारा खर्च सुध्दा निघणार नाही. शासनाने घेवून शेतकऱ्यांना मदत जाहीर करावी अशी मागणी होत आहे.

शेतीला हात जोडतो
एकाचे दोन पैसे होईल म्हणून यावर्षी जवळपास ४० टक्के लोकांनी शेती मकत्याने तर कोणी बटाईने केली. शेतीचा पहिल्यांदा व दूबार बि-बियाणे, खत, डवरे, निंदन, फवारणी असा एकत्रित खर्च मोठया प्रमाणात झाला झालेल्या खर्चाच्या तुलनेत उत्पादन माञ कमी झाल्याने शेतीला लागलेला खर्च ही निघाला नाही. शेती तोट्यात आल्यामुळे पुढच्या वर्षी शेतीला हात जोडतो अशी प्रतिक्रिया उमरी स्मारक येथील शेतकरी महेश वांढरे यांनी सांगितले.

नऊ लाख हेक्टरवर खरिपाची लागवड
जिल्ह्यात नऊ लाखांहून अधिक हेक्टरवर खरीप हंगामाची लागवड होते. सर्वांधिक कापसाचा पेरा राहतो आणि त्या खालोखाल सोयाबीन, तूर आदी पिकांवर शेतकरी अवलंबून राहतात. परंतू सततच्या पावसामुळे यंदा खरिपात शेतकऱ्यांना मोठ्या प्रमाणात फटका बसला आहे. अतिवृष्टीने सोयाबीन पिकांचा उतारा पूर्णपणे घसरला. त्यानंतर, खत, डवरे, निंदन, फवारणी अशा प्रकारे कपाशी पिकांना मोठया प्रमाणात खर्च झाला

बातम्या आणखी आहेत...