उपस्थित व्यंकट:अभ्यासाबरोबरच खेळाकडे‎ लक्ष दिले पाहिजे : राठोड‎

विद्यार्थी केवळ शैक्षणिक अभ्यासाचाच मागे‎ लागला असून अधिकाधिक गुण कसे‎ मिळतील याकडे लक्ष असल्याने मैदानी‎ खेळाकडे त्याचे सातत्याने दुर्लक्ष होत आहे.‎ त्यामुळे त्यांनी अभ्यासाबरोबर खेळात सुद्धा‎ सहभागी झाले पाहिजे असे प्रतिपादन‎ उपविभागीय अधिकारी व्यंकट राठोड यांनी‎ केले. ते स्थानिक हाजी अमानुल्ला‎ जहागीरदार ज्युनिअर कॉलेज येथे झेनिथ‎ सांस्कृतिक व क्रीडा सामने यांच्या उद्घाटन‎ सोहळ्यात उद्घाटक म्हणून बोलत होते.‎ ‎ या कार्यक्रमाचे अध्यक्षस्थानी ज्येष्ठ विधिज्ञ‎ अॅड. संतोष जैन होते.

तर प्रमुख अतिथी‎ म्हणून नगरपालिकेचे मुख्याधिकारी‎ जामनेर, साहित्यिक डॉ. अनिल काळबांडे,‎ क्रिडा प्रशिक्षक अजय भागवत, शेख‎ मुशीर, अजीम मुल्ला खान, अमजद‎ पठाण, शेख मोहम्मद, डॉ. गाजी असर‎ उपस्थित होते. यावेळी तालुक्यातून दोनशे‎ मीटर धावण्याच्या स्पर्धेत प्रथम आलेला‎ अंजला मिर्झा, लांब उडी आणि भालाफेक‎ मध्ये प्रथम आलेला शेख अयान शेख‎ रियाज यांच्यासह गुणवत्ता प्राप्त‎ खेळाडूंचा मान्यवरांच्या हस्ते सत्कार‎ करण्यात आला. यावेळी क्रीडा शिक्षक‎ नसरुद्दीन, शाळा समितीचे अध्यक्ष‎ आरिफ उजमा उपस्थित होते. कार्यक्रमाचे‎ प्रास्ताविक मुख्याध्यापक समीर अहमद‎ यांनी तर संचालन फिरोज जनाब यांनी‎ केले. आभार नासिर खान यांनी मानले. या‎ कार्यक्रमासाठी शाळेतील शिक्षका सह‎ कर्मचारी यांनी परिश्रम घेतले.‎