रिकव्हरी वर संशय‎:चोरले 60 तोळे; जप्त‎ केले 11 तोळेच सोने‎

सेवानिवृत्त अधिकारी लखानी‎ यांच्या घरातून चोरट्यांनी तब्बल ६०‎ तोळे सोन्यासह १५ लाखाची रोख‎ लंपास केली होती. या प्रकरणी दोन‎ चोरट्यांना एलसीबी पथकाने‎ ताब्यात घेत त्यांच्याकडून ११ तोळे‎ सोने जप्त केले. आणि दोघांनाही‎ अवधुतवाडी पोलिसांच्या स्वाधीन‎ केले. तेव्हा चोरट्यांकडून रोखसह‎ साहित्य असा साडेपाच लाखाचा‎ मुद्देमाल जप्त केला. असे असले‎ तरी उर्वरीत सोन्याच्या रिकव्हरी वर‎ संशय निर्माण झाला आहे.

दोन्ही‎ चोरट्यांची कारागृहात रवानगी‎ करण्यात आली आहे. यावरून‎ पोलिस वर्तुळात विविध चर्चेला‎ उधाण आले.‎ यवतमाळ शहरातील बालाजी‎ सोसायटीत असलेल्या रंगोली मैदान‎ जवळील सेवानिवृत्त अधिकारी‎ लखानी धार्मीक कार्यक्रमासाठी‎ कुटुंबीयांसह दि. २ सप्टेंबरला‎ बैंगलोरला गेले होते.

अश्यात‎ त्यांच्या घरातील किचनचे दार‎ तोडून अज्ञात चोरट्यांनी प्रवेश‎ करीत बेडरूममधील जवळपास ६०‎ तोळे सोने आणि जवळपास १५‎ लाखाची रोख लंपास केली होती.‎ या घटनेमुळे शहरात एकच‎ खळबळ उडाली होती. घटनेचे‎ गांभीर्य लक्षात घेत अवधुतवाडी‎ पोलिस ठाण्यात दिलेल्या‎ तक्रारीवरून अज्ञात चोरट्या‎ विरोधात गुन्हे नोंदवण्यात आले‎ होते.

दरम्यान दोन महिन्यानंतर या‎ प्रकरणातील चोरट्यांना ताब्यात‎ घेण्यात एलसीबी पथकाला यश‎ आले. एलसीबी पथकाने ११ तोळे‎ सोने आणि ७ लाख ९६ हजार‎ रूपयाची रोख हस्तगत करीत‎ चोरट्यांचा अवधुतवाडी‎ पोलिसांच्या स्वाधीन केले. त्यानंतर‎ अवधुतवाडी पोलिसांनी त्या‎ चोरट्यांची कसून चौकशी करीत‎ त्यांच्याकडून ४ लाख ६९ हजार‎ रूपयाची रोख आणि ७६ हजार‎ रूपयांचे साहित्य असा जवळपास‎ साडे पाच लाखाच्या मुद्देमाल‎ हस्तगत केला. असे असले तरी‎ जवळपास ६० तोळे सोने लंपास‎ झाल्याची चर्चा त्यांच्या‎ कुटुंबीयांमध्ये होती. मात्र पोलिस‎ दप्तरी २५ ते ३० तोळे सोने चोरी‎ गेल्याची नोंद होती.‎