आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

दुचाकी हस्तगत‎:त्या टोळीकडून आणखी दहा‎ मोबाईलसह पाच दुचाकी हस्तगत‎

यवतमाळ‎एका महिन्यापूर्वी
  • कॉपी लिंक

मोबाईल जबरीने हिसकावणाऱ्या‎ अल्पवयीन मुलांच्या टोळीकडून‎ गुरूवारी पोलिसांनी तब्बल ४९‎ मोबाईल आणि पाच दुचाकी जप्त‎ केल्या होत्या. त्यानंतर आता दुसऱ्या‎ दिवशी देखील दहा मोबाईल‎ हस्तगत करण्यात अवधुतवाडी‎ पोलिसांना यश आले असून या‎ टोळीकडून अनेक गुन्हे उघडकीस‎ येण्याची शक्यता आहे. शहरातील‎ शिवाजी ग्राउंड परिसरातील गोविंद‎ टेकाळे या विद्यार्थ्याचा दोन‎ दुचाकीस्वार युवकांनी जबरीने‎ हिसकावून पळ काढला होता.‎ यावेळी गोविंद आणि त्याच्या मित्राने‎ दुचाकीस्वारांचा पाठलाग करीत‎ त्यांना पकडले.

या प्रकरणी‎ अवधुतवाडी पोलिसांनी त्या‎ दुचाकीस्वार दोघांची चौकशी केली.‎ यावेळी त्या अल्पवयीन मुलांच्या‎ टोळीने इतर साथीदारांच्या मदतीने‎ लुटमारी करीत मोबाईल लंपास‎ केल्याची कबूली दिली. गुरूवारी‎ अवधुतवाडी पोलिसांनी‎ त्यांच्याकडून ४९ मोबाईल आणि‎ गुन्ह्यात वापरण्यात आलेल्या पाच‎ दुचाकी असा एकूण ७ लाख १५‎ हजार रूपयांचा मुद्देमाल हस्तगत‎ केला होता. त्यानंतर शुक्रवारी याच‎ अल्पवयीन मुलांच्या टोळीकडून‎ आणखी दहा मोबाईल हस्तगत‎ करण्यात आले आहे. ही कारवाई‎ जिल्हा पोलिस अधीक्षक डॉ. पवन‎ बन्सोड, अपर पोलिस अधीक्षक‎ पीयूष जगताप, उपविभागीय पोलिस‎ अधिकारी संपतराव भोसले,‎ अवधुतवाडी ठाणेदार मनोज केदारे‎ यांच्या मार्गदर्शनाखाली पोलिस‎ उपनिरीक्षक दर्शन दिकोंडवार,‎ पथकातील आशिष भुसारी, रूपेश‎ धोबळे, बबलू पठाण, प्रशांत राठोड,‎ उमेश शिंदे, रशीद शेख यांनी पार‎ पाडली.‎

बातम्या आणखी आहेत...