दिव्य मराठी विशेष:इमारतीचे काम आटोपले, आता वीज जोडणीची प्रतीक्षा‎

जिल्हा परिषदेच्या आवारात बांधकाम‎ करण्यात येणाऱ्या महिला व बालकल्याण‎ विभागाच्या इमारतीचे काम आता अंतिम‎ टप्प्यात आहे. तब्बल पाच कोटी रूपये‎ खर्चून बांधकाम केलेल्या या सुसज्ज‎ इमारतीला आता वीज जोडणीची प्रतीक्षा‎ आहे. सध्या फर्निचरचे काम सुरू असून,‎ या इमारतीत तीन विभाग एकत्रीत येणार‎ आहेत.‎ महाविकास आघाडीतील तत्कालीन‎ महिला व बालकल्याण मंत्री यशोमती ठाकूर‎ यांच्या संकल्पनेतून राज्यातील प्रत्येक‎ जिल्ह्यात महिला व बालविकास भवन‎ निर्मितीचे उद्दिष्ट होते. या इमारतीत महिला‎ व बालविकास विभागांतर्गत असणारी सर्व‎ जिल्हास्तरीय कार्यालये एकाच ठिकाणी‎‎‎‎‎‎‎‎‎‎ आणण्यात येणार होती. यात प्रामुख्याने‎ जिल्हा महिला व बालविकास अधिकारी‎ कार्यालय, जिल्हा परिषद महिला व‎ बालकल्याण विभाग, महिला आर्थीक‎ विकास महामंडळ, असे तीन कार्यालय‎ एकाच इमारतीत आणण्याचे नियोजित होते.‎

त्या अनुषंगाने जिल्हा वार्षिक योजनेतून‎ निधी मंजूर करावा, असे आदेश त्यावेळी‎ देण्यात आले होते. त्यावेळी जिल्हा परिषद‎‎‎‎‎‎‎‎‎‎ बांधकाम विभागाला पाच कोटी रूपयांचा‎ निधी उपलब्ध करून देण्यात आला होता.‎ जिल्हा परिषदेच्या आवारातील जिल्हा‎ ग्रामीण विकास यंत्रणेच्या इमारतीला‎ लागूनच महिला व बालविकास भवनाच्या‎ इमारतीची मुहूर्तमेढ होत आहे. सन २०२१‎ मध्ये बांधकामास सुरूवात करण्यात आली‎ होती. सुसज्ज अशा इमारतीचे बांधकाम‎ आता पूर्णत्वास आले आहे. सध्या‎‎‎‎‎‎‎‎‎‎ इमारतीतील फर्निचरचे काम चालू‎ असल्याची माहिती आहे, परंतू एव्हढ्या‎ सुसज्ज इमारतीत अद्याप पर्यंत वीज‎ कनेक्शन घेण्यात आले नाही. आता विद्युत‎ जोडणीच नसल्याने कार्यालय कसे चालू‎ करायचे, असा प्रश्न उपस्थित झाला आहे.‎ यासंदर्भात बांधकाम विभागाच्या‎ अधिकाऱ्यांशी संपर्क साधला, परंतू‎ त्यांच्याशी संपर्क होऊ शकला नाही.‎

लवकरच लोकार्पण होण्याची शक्यता‎ महिला व बालविकास भवनच्या इमारतीचे काम आता अंतीम टप्प्यात आहे.विज कनेक्शन‎ घेतल्यानंतर ह्या ठिकाणी तिन्ही कार्यालय एकत्रीत येतील.तत्पूर्व ी इमारतीचे लोकार्पण करणे‎ गरजेचे आहे.नुकतीच पदवीधर मतदार संघाची आचार संहिता संपली असून,येत्या काळात‎ स्थानिक स्वराज्य संस्थांच्या निवडणुका आहे.या निवडणुकीची आचार संहिता लागण्यापूर्वीच‎ लोकार्पण होण्याची शक्यता वर्तवण्यात आली आहे.‎