एलसीबीची कारवाई:सराईत गुन्हेगाराच्या आवळल्या‎ मुसक्या; सात गुन्हे उघडकीस‎

सराईत गुन्हेगाराच्या एलसीबीने‎ मुसक्या आवळत सात गुन्हे‎ उघडकीस आणले. ही कारवाई‎ बुधवार, १ फेब्रुवारीला सायंकाळच्या‎ सुमारास करण्यात आली असून यात‎ पाच घरफोड्या आणि दोन दुचाकी‎ चोरीच्या गुन्ह्यांचा समावेश आहे.‎ अक्षय मसराम (२८) रा. नेताजी नगर,‎ यवतमाळ असे अटक करण्यात‎ आलेल्या सराईत गुन्हेगाराचे नाव‎ असून शेख अकबर शेख मुसा रा.‎ कलगाव ता. दिग्रस, शेख अख्तर‎ शेख मुक्तार रा. पुसद आणि लखन‎ राठोड (२५) रा. मोरगव्हाण ता. दिग्रस‎ अशी त्याच्या फरार साथीदारांची नावे‎ आहे.‎

शहरात एका पाठोपाठ एक‎ घरफोडी आणि दुचाकी चोरीचे गुन्हे‎‎‎‎‎‎‎‎‎ घडतच आहे. या प्रकरणातील‎ चोरट्यांच्या मुसक्या आवळण्यासाठी‎ एलसीबी पथकाने वेगवेगळी पथक‎ तैनात करीत शोधमोहीम सुरू केली‎ होती. अशात बुधवारी आर्णी‎ मार्गावरील वनवासी मारोती‎ मंदिराजवळ सराईत चोरटा अक्षय‎ मसराम हा चोरीची अॅक्टीवा घेऊन‎ उभा असल्याची गोपनीय माहिती‎ मिळाली.

त्यावरून पथकातील‎ अधिकारी, कर्मचाऱ्यांनी सापळा रचून‎ त्याला ताब्यात घेतले. यावेळी त्याची‎‎‎‎‎‎‎‎‎ कसून चौकशी केली असता, त्याने‎ तीन मित्रांच्या मदतीने आर्णी शहरात‎ तीन तर अवधुतवाडी पोलिस‎ ठाण्याच्या हद्दीतील दोन घरफोड्या‎ केल्याची कबूली दिली. त्याचबरोबर‎ लोहारा पोलिस ठाण्याच्या हद्दीतून दोन‎ मोपेड वाहने लंपास केल्याचेही‎ पोलिसांसमोर कबूल केले. या प्रकरणी‎ एलसीबी पथकाने एलईडी टिव्ही, तीन‎ मोपेड वाहन, एक अमेरिकन टुरिस्ट‎ बॅग, एक मोबाईल आणि घरफोडी‎