संकल्प‎:हातसे हात जोडो यात्रा जिल्हाभरात राबवण्याचा केला नेत्यांनी संकल्प‎

उमरखेड‎ सर्वसामान्य जनतेच्या विविध‎ प्रश्नांवरून आगामी निवडणुकीत‎ काँग्रेस आक्रमकपणे मैदानात‎ उतरणार आहे. लवकरच‎ जिल्हाभरात हातसे हात जोडो यात्रा‎ संपूर्ण जिल्हाभर राबवण्याचा‎ संकल्प जिजाऊ भवन येथे झालेल्या ‎विधानसभा आढावा बैठकीत‎ जिल्हा काँग्रेसच्या नेतृत्वाकडून ‎करण्यात आला.‎ राहुल गांधी यांनी काढलेल्या‎ भारत जोडो यात्रेला देशात मोठ्या‎ प्रमाणात प्रतिसाद मिळत आहे.

त्याच‎ पार्श्वभूमीवर जिल्हाभर हातसे हात‎ जोडो यात्रा काढण्याचा संकल्प‎ जिल्हा नेतृत्वाने बैठकीत केला आहे.‎ जिल्हा काँग्रेस कमिटीच्या‎ आदेशान्वये आयोजित कार्यकर्ता‎ आढावा बैठकीत जिल्ह्यात आगामी‎ काळात होणाऱ्या नगर परिषद,‎ पंचायत समिती, जिल्हा परिषद, सर्व‎ निवडणुकीसाठीचा अॅक्शन प्लॅन‎ तयार करून जिल्हाभर काँग्रेस‎ पक्षाचा झेंडा फडकवण्याच्या‎ उद्देशाने उपाय योजनेवर आढावा‎ घेण्यात आला.

सध्याचे‎ महाराष्ट्रातील सरकार हे जनतेच्या‎ प्रश्नांकडे दुर्लक्ष करत असून, फक्त‎ गुजरातधार्जीने निर्णय घेण्यात व्यस्त‎ असल्याने आता काँग्रेसच जनतेला‎ भेडसावणाऱ्या भारनियमन,‎ वीजबील माफी, शेतकऱ्यांना ५०‎ हजारांची मदत, वाढती महागाई,‎ बेरोजगारी, इंधन दरवाढ, सरसकट‎ पीकविमा आदी विषयांवर रस्त्यावर‎ उतरून न्याय मिळवून देण्याचे काम‎ करेल, असे सांगण्यात आले. या‎ बैठकीत जिल्हा काँग्रेसचे अध्यक्ष‎ प्रफुल्ल मानकर, माजी प्रदेशाध्यक्ष‎ माणिकराव ठाकरे, माजी मंत्री प्रा.‎ वसंतराव पुरके, माजी आमदार‎ विजयराव खडसे, माजी आमदार‎ प्रकाश पाटील देवसरकर, तातू‎ देशमुख, राम देवसरकर, प्रवीण‎ देशमुख, मनीष पाटील, अरुण‎ राऊत, दिनेश गोगरकर, महेंद्र‎ कावळे, दत्तराव शिंदे, नंदकिशोर‎ अग्रवाल, शिवाजीराव देशमुख,‎ गोपाल अग्रवाल, शैलेश कोपरकर,‎ कृष्णा पाटील देवसरकर,‎ बाळासाहेब चंद्रे, रक्षा माने, माला‎ देशमुख, चंदाबाई पाईकराव,‎ सुनीता घोडे, ख्वाजाभाई, जाणी‎ भाई, बाबू हिना, सोनू खतीब,‎ तालीब शेख, जमीर पेंटर, शिवाजी‎ वानखेडे, चरण डोंगरे, प्रभाकर‎ कदम, सिद्धू जगताप, भय्या पवार,‎ प्रेमराव वानखेडे, युवराज‎ देवसरकर, इश्वर गोस्वामी तसेच‎ उमरखेड, महागाव तालुक्यातील‎ शेकडो पदाधिकारी, कार्यकर्ते‎ उपस्थित होते.‎