प्रलंबित मागण्यांसाठी उपोषण सुरू‎:दिग्रस भीम टायगर कामगार सेनेच्या वतीने देण्यात आले होते निवेदन‎

सन २०२३ च्या घनकचरा‎ व्यवस्थापन निविदेमध्ये गैरप्रकार‎ करून अंदाजे २९ टक्के कमी दराची‎ निविदा रद्द करून दिग्रस नगर‎ परिषदेने स्वतः कंत्राट चालवून‎ आजपर्यंत कामगार कायद्यापासून‎ कामगारांना वंचित ठेवण्यात आले.‎ या कामगारांना योग्य सुविधा देण्यात‎ याव्यात, या आमरण उपोषणाच्या‎ प्रमुख मागण्या , कंत्राटी कामगारांना‎ पूर्ववत सेवेत घेण्यात यावे, प्रलंबित‎ मागण्या पुर्ण कराव्या, तांत्रीक‎ मान्यता, प्रशासकीय मान्यता व‎ निविदा अटी व शर्ती नुसार १६‎ घंटागाडी, २ ट्रॅक्टर चालु करावे‎ अशी मागणी दिग्रस भीम टायगर‎ सेना कामगार सेनेच्या वतीने देण्यात‎ आलेल्या निवेदनातून करण्यात‎ आली होती.

मागण्या मान्य न‎ झाल्यास उपोषणाचा इशारा देण्यात‎ आला होता. त्याच अनुषंगाने‎ सोमवार दि.१० एप्रिल पासुन नगर‎ परिषद कार्यालयासमोर आमरण‎ उपोषण सुरू झाले आहे.‎ दिग्रस नगर परिषदेच्या‎ मुख्याधिकाऱ्यांनी दि.१ मार्च २०२३‎ च्या पत्रानुसार निविदा उघडण्यास‎ किमान ३ ते ४ दिवस लागणार असे‎ लेखी आश्वासन दिले होते, परंतु २४‎ दिवसांनंतरही निविदा उघडण्यात‎ आली नाही. त्यामुळे निविदामध्ये‎ गैरप्रकार कंत्राट मॅनेज झाले असे‎ समजण्यास हरकत नसल्याचे‎ निवेदनात नमूद आहे.‎ संस्थेला अंदाजे २९ टक्के कमी‎ दराच्या निविदा भरणाबाबत‎ मुख्याधिकारी दिग्रस यांनी एका‎ महिन्याच्या नंतर खुलासा सादरचे‎ पत्र दिले.

त्यामुळे सदर निविदामध्ये‎ पूर्णपणे गैरप्रकार झाला असल्याचा‎ आरोप करत याबाबत‎ जिल्हाधिकाऱ्यांनी चौकशी करावी‎ तसेच सरकारी कामगार अधिकारी‎ यवतमाळ यांनी किमान वेतन व‎ विविध कायद्या बाबत चौकशी‎ करून सदर घनकचरा‎ व्यवस्थापनाचा कंत्राट नगर परिषद,‎ दिग्रसने चालवावा आणि कामगार‎ कायद्यापासून वंचित असणाऱ्या‎ कामगारांना कामगार कायद्यानुसार‎ सुविधा द्याव्यात अशी मागणी‎ करणारे निवेदन मुख्याधिकाऱ्यांना‎ भीम टायगर कामगार सेना दिग्रसचे‎ शहर अध्यक्ष आनंद नैताम यांनी‎ दिले होते, मात्र उपोषणकर्ते आनंद‎ नैताम यांची प्रकृती ठीक नसल्याने‎ त्यांनी सोमवार दि.१० एप्रिल पासून‎ उपोषणाला सुरुवात केली.‎