निवेदन:वेळेवर बस सोडण्यासाठी म्हैसवाडीच्या‎ विद्यार्थिनींचे आगार प्रमुखांकडे साकडे‎

सकाळची शाळा सुटल्यानंतर घरी‎ परत जाण्यासाठी वेळेवर बस‎ उपलब्ध करून देण्यात यावी, या‎ मागणीसाठी आज ६ मार्च रोजी‎ म्हैसवाडी येथील असंख्य विद्यार्थी व‎ विद्यार्थीनीनी शिवसेना तालुका प्रमुख‎ विजय साठे व म्हैसवाडीचे पोलिस‎ पाटील योगेश पाटील यांच्या नेतृत्वात‎ येथील आगारात धडक दिली.‎ यावेळी आगार व्यवस्थापक मुकुंद‎ नावकर यांना विद्यार्थी विद्यार्थिनींनी‎ वेळेवर बस उपलब्ध करण्याची‎ मागणी करत उद्भवत असलेली‎ व्यथा कथन केली. काही‎ दिवसापासून इयत्ता बारावी व‎ दहावीची बोर्डाची परीक्षा सुरू‎ झाल्यामुळे सकाळची शाळा सुरू‎ झाली आहे. साडे दहा वाजता शाळा‎ सुटल्यानंतर विद्यार्थ्यांना घरी परत‎ जाण्यासाठी बसची वाट पाहत‎ ताटकळत उभे राहावे लागत आहे.‎

घरी येण्यास उशीर होत असल्याने‎‎‎‎‎‎‎‎‎‎‎‎‎ पालकही चिंतेत पडतात. वेळेवर बस‎ उपलब्ध नसल्याने विद्यार्थ्यांना‎ तालसवाडा फाटा ते म्हैसवाडी असे‎ पाच ते सहा किलोमीटर अंतर‎ पायपीट करीत पार करावे लागते. ही‎ बाब उपस्थित विद्यार्थिनी विद्यार्थ्यांनी‎ आगार प्रमुखांच्या निदर्शनास आणून‎ देत वेळेवर बस उपलब्ध करून‎ देण्यात यावी, अशी मागणी आगार‎ व्यवस्थापक मुकुंद नावकर‎ यांच्याकडे रेटून धरली.

या समस्येवर‎ मुकुंद नावकर यांनी तातडीने मार्ग‎‎‎‎‎‎‎‎‎‎‎‎‎ काढण्याच्या संबंधित कर्मचाऱ्यांना‎ सूचना दिल्या.‎ यावेळी पत्रकार मनोज पाटील,‎ शिवसेना तालुका उपप्रमुख गजानन‎ धाडे व पत्रकार श्रीकृष्ण तायडे यांनी‎ समन्वयाची भूमिका निभावली. आज‎ व उद्या शाळेला सुटी असल्यामुळे‎ परवापासून शाळा सुटण्याच्या वेळेवर‎ बस उपलब्ध करण्याची मुकुंद‎ नावकर ग्वाही दिली. यावेळी‎ विद्यार्थिनी व विद्यार्थी मोठ्या संख्येने‎ उपस्थित होते.‎