गुन्हेवृत्त:मोबाईलवर बोलणाऱ्या युवकाचा मोबाईल हिसकावून चोर दुचाकीने पसार

पुसद शहरापासून जवळच असलेल्या आदर्श नगर येथे राहणारा युवक दि. २६ जूनला रात्री ९ वाजताच्या दरम्यान घरगुती कामानिमित्त पुसद शहरात आला होता. त्यानंतर परत घरी जाण्यासाठी छत्रपती शिवाजी चौकातून निघालेल्या युवकाला त्याच्या नातेवाईकांचा फोन आला.त्यानंतर युवकाने पेट्रोल पंपाजवळ दुचाकी बाजूला उभी करून बोलत होता.

त्याचा फायदा घेत अज्ञात चोरट्याने दुचाकीवर येऊन मोबाईलवर बोलत असलेल्या युवकाचा मोबाईल हिसकावून धुम ठोकल्याची घटना घडली आहे. अज्ञात चोरट्या विरोधात दि.२७ जून २०२२ रोजीच्या संध्याकाळी ६.५० वाजता गुन्हे दाखल करण्यात आले आहे. अभय यशवंत देशमुख वय २८ वर्ष रा. आदर्श नगर असे तक्रारकर्त्या युवकाचे नाव आहे.