शंकर पट महोत्सव:बाभूळगावात आजपासून‎ सर्जा-राजाचा थरार‎

शेतकऱ्यांच्या आनंदात भर‎ घालणारा शंकर पट महोत्सवाला‎ बुधवार दि. ८ मार्च रोजी सुरूवात‎ झाली. जिल्हा किसान काँग्रेसच्या‎ पुढाकाराने शहरातील बसस्थानक‎ चौकात भरवण्यात आलेला‎ छत्रपती शिवाजी महाराज शंकर‎ पटाचे उद्घाटन माजी मंत्री प्रा.‎ वसंत पुरके यांच्या हस्ते झाले. या‎ ठिकाणी परिसरासह राज्यातील‎ पट प्रेमींना शंकर पटाची मेजवाणी‎ मिळणार असून विविध‎ ठिकाणावरून आलेल्या सर्जा-‎ राजाच्या जोड्या आपली कसब‎ दाखविण्यासाठी सज्ज झालेले‎ आहे.‎ सलग दुसऱ्यांदा या लिगमध्ये‎ समाविष्ट गुजरात टाईटन या‎ संघात निवड झालेला‎ तालुक्यातील नायगाव येथील‎ शुभम विश्राम कापसे या खेळाडूचे‎ शंकर पटात मान्यवरांच्या हस्ते‎ सन्मान करण्यात आला.‎ या उद्घाटन कार्यक्रमाचे अध्यक्ष‎ माजी मंत्री माणिकराव ठाकरे होते.‎

यावेळी माजी आमदार विरेंद्र‎ जगताप, प्रविण देशमुख, राजेंद्र‎ गायकवाड, अशोकराव‎ घारफळकर, प्रा. भिमसिंगबाबु‎ सोळंके, भय्यासाहेब देशमुख,‎ कृष्णा कडू, बाभूळगावचे‎ तहसीलदार विठ्ठल कुंभरे, पोलीस‎ निरीक्षक रवींद्र जेधे, मोहन‎ बनकर, वसंत घुईखेडकर, अतुल‎ राऊत, बळवंतराव जगताप, नरेंद्र‎ कोंबे, श्याम जगताप, श्रीकांत‎ कापसे, रेणूका सोयाम, मंजुश्री‎ नंदुरकर, प्रिती वानखडे आदींची‎ उपस्थिती होती. विपरीत‎ परिस्थितीतही शेतकरी वर्ग जगाला‎ अन्नघालवित आहे. त्यांच्या‎ परिश्रमाला सर्जाराजाची जोड‎ आहे.

अशा सर्जाराजाला मैदानात‎ आपली किमया दाखविण्यासाठी‎ शंकर पटाचे आयोजन करण्यात‎ आलेले आहे.‎ या शंकर पटात बैतुल‎ (मध्यप्रदेश) , वाशिम, भिडी जि.‎ वर्धा, पुसद, घारफळ येथून बैल‎ जोड्या आलेल्या आहे.‎ शंकरपटासाठी आयोजन समितीचे‎ अध्यक्ष मोहन भोयर, उपाध्यक्ष‎ शेखर अर्जुने, सचिव संजय गावंडे‎ व त्यांची टिम परिश्रम घेत आहे.‎ उद्घाटन सूत्रसंचालन प्रमोद‎ गजभिये यांनी केले तर आभार‎ अमोल कापसे यांनी मानले .‎