गावात एकच खळबळ:दाभडीच्या जंगलात प्रेमी युगुलाचे‎ मृतदेह आढळल्याची जोरदार चर्चा‎

गेल्या दीड वर्षांपूर्वी तालुक्यातील‎ दाभडी येथील एका प्रेमी युगुल‎ गावातून पळून गेले होते. त्यानंतर‎ त्यांचा आजपर्यंत कुठलाही‎ थांगपत्ता नातेवाईकांसह‎ गावकऱ्यांना नव्हता. अश्यात‎ गुरुवार, दि. ९ मार्चला सकाळी‎ दाभडी येथील जंगलात एक‎ व्यक्ती मोहोळ झाडण्यासाठी गेला‎ होता. यावेळी त्याला काही‎ संशयास्पद वस्तू आढळल्या.‎ त्याची माहिती त्याने पोलिसात‎ दिली. त्यानंतर प्रेमी युगुलाचे‎ जंगलात मृतदेह आढळल्याच्या‎ चर्चेने संपूर्ण तालुक्यात एकच‎ खळबळ उडाली. मात्र, कुठलाही‎ मृतदेह तेथे आढळला नाही.‎ पोलिसांनी घटनास्थळी धाव घेत‎ कपडे, चप्पल, दात आणि हाडाचे‎ अवशेष जप्त केले आहे.‎ या प्रकरणी प्राप्त माहितीनूसार,‎ आर्णी तालुक्यातील दाभडी येथील‎ एका तरुणाचे आणि तरुणीचे‎ एकमेकांवर प्रेम जडले. मात्र,‎ कुटुंबीय या लग्नाला होकार देणार‎ नाही, अशी भीती त्यांना होती.‎ त्यातूनच दीड वर्षांपूर्वी ते प्रेमी‎ युगुल गावातून पळून गेले होते. या‎ घटनेची नोंदही त्यावेळी पोलिसांनी‎ घेतली होती.

आजपर्यंत त्या प्रेमी‎‎‎‎‎‎‎‎‎‎‎‎‎ युगुलाचा कुठलाही थांगपत्ता‎ नातेवाईकांसह गावकऱ्यांना‎ नव्हता. दरम्यान, गुरुवारी सकाळी‎ दाभडीच्या जंगलात प्रेमी युगुलाचे‎ मृतदेह सापडल्याची चर्चा सुरू‎ झाली. घटनेची माहिती मिळताच‎ ठाणेदार श्‍याम सोनटक्के‎ पथकासह घटनास्थळी दाखल‎ झाले. यावेळी त्यांनी‎ घटनास्थळाची आणि‎ आसपासच्या परिसराची बारकाईने‎ पाहणी केली. मात्र, तेथे कुठलाही‎ मृतदेह आढळून आला नाही. मात्र‎ तेथे कुजलेल्या अवस्थेतील‎ कपडे, मोबाईल, हाडाचे बारीक‎ तुकडे, दातांचे तुकडे, केस अशा‎ संशयास्पद बाबी आढळून‎ आल्या. या गंभीर बाबीची माहिती‎ मिळताच दारव्ह्याचे उपविभागीय‎ पोलिस अधिकारी आदित्य‎‎‎‎‎‎‎‎‎‎‎‎‎ मिरखेलकर हे देखील तेथे‎ पथकासमवेत दाखल झाले.‎ त्यांच्या समक्ष पोलिसांनी‎ संशयास्पद बाबींचा पंचनामा‎ केला. तसेच ते अवशेषही जप्त‎ करण्यात आले. आता ते अवशेष‎ प्रयोगशाळेकडे तपासणीसाठी‎ पाठविणार असल्याची माहिती‎ पोलिस सूत्रांकडून देण्यात आली‎ आहे. घटनास्थळी सहायक‎ पोलिस निरीक्षक गणपत काळुसे,‎ फौजदार शिवराज पवार, बाबाराव‎ पवार, जमादार सतीश चौधर,‎ मुनेश्‍वर, शिपाई मिथून चव्हाण,‎ मनोज चव्हाण, योगेश संकुलवार‎ आदी उपस्थित होते. या‎ प्रकरणाचा पुढील तपास ठाणेदार‎ श्‍याम सोनटक्के यांच्या‎ मार्गदर्शनाखाली आर्णी पोलिस‎ करीत आहे.‎