मुद्देमाल हस्तगत:चाकूच्या धाकावर लुटणाऱ्या तिघांना अटक‎

महागाव तालुक्यातील माळवागद येथे‎ राहणारा व्यक्ती आईच्या‎ उपचारांकरिता पुसदला आला होता.‎ यावेळी बरखा टाकीच्या मागे तिघांनी‎ त्याला अडवून लुटले होते. त्या‎ घटनेतील तिघांना पकडण्यात शहर‎ पोलिसांना यश मिळविले आहे. ओम‎ राजू भालेराव रा. तुकाराम बापू वार्ड,‎ जितेंद्र उर्फ रोहित मनवर रा. शिवाजी‎ वार्ड आणि विनोद बाबुराव गोदमले‎ रा.तुकाराम बापू वार्ड असे अटक‎ करण्यात आलेल्या तिघांची नावे‎ असून त्यांच्याकडून मुद्देमाल हस्तगत‎ करण्यात आला आहे.‎ महागाव तालुक्यातील माळवागद‎ येथे राहणारे अनिल राठोड यांनी दि. ९‎ एप्रिलला त्याच्या आईला‎ उपचारांकरिता पुसद येथे घेऊन आले‎ होते. त्यानंतर त्याच्या आईच्या रक्ताचे‎ नमुने घेऊन तपासणी करिता बरखा‎ टाकीच्या मागून जात होते.

यावेळी‎ अनोळखी तिघांनी त्यांच्याजवळील‎ दोन हजार रुपये नगदी व तेरा हजार‎ रुपयाचा मोबाईल हिसकावून पळ‎ काढला होता. या प्रकरणी शहर‎ पोलिस ठाण्यात विविध कलमान्वये‎ गुन्हे नोंद करण्यात आले होते. घटनेचे‎ गांभीर्य लक्षात घेता शहर पोलिसांनी‎ तपासाची चक्र फिरवताच तिघांनाही‎ ताब्यात घेतले. त्यांच्याकडून गुन्ह्यात‎ वापरण्यात आलेली‎ एमएच-२९-बीडब्ल्यू-२२ ४२ दुचाकी‎ आणि इतर मुद्देमाल असा एकूण ६५‎ हजार रुपयांचा मुद्देमाल जप्त करण्यात‎ आला. ही कारवाई उपविभागीय‎ पोलिस अधिकारी तथा सहाय्यक‎ पोलिस अधीक्षक पंकज अतुलकर,‎ पोलिस निरीक्षक शंकर पांचाळ यांच्या‎ मार्गदर्शनाखाली डीबी पथक प्रमुख‎ अनिल सावळे यांच्यासह प्रफुल्ल‎ इंगोले, शुध्दोधन भगत,आकाश‎ बाभुळकर व वैजनाथ पवार यांनी पार‎ पाडली.‎