प्रोग्राम‎:वाधवाणी फार्मसी महाविद्यालयात‎ तीन दिवसीय इंडक्शन प्रोग्राम‎

वाधवाणी फार्मसी महाविद्यालयात दि.‎ १२ ते १४ जानेवारी दरम्यान तीन‎ दिवसीय इंडक्शन प्रोग्रामचे आयोजन‎ करण्यात आले होते. सदर प्रोग्रामचे‎ आयोजन बी फार्म प्रथम वर्षाच्या‎ विद्यार्थ्याकरिता आयोजित करण्यात‎ आले होते. या कार्यक्रमाचा मुळ उद्देश‎ महाविद्यालयात प्रवेशित नविन‎ विद्यार्थ्याच्या मनातील भिती दुर करणे‎ तसेच महाविद्यालयातील वातावरणात‎ शिक्षकासोबत व ईतर सिनियर‎ विद्यार्थ्यासोबत एकरूप होवुन‎ महाविद्यालया प्रती आवड निर्माण होणे‎ त्यांच्यातील आत्मविश्वास जागृत होणे‎ व त्यांच्यातील सुप्त गुणांना वाव मिळणे‎ ही आहे.‎

यावेळी उद्घाटनीय कार्यक्रमाचे‎ प्रास्ताविक इंडक्शन प्रोग्रामचे समन्वयक‎ सहायक प्रा. सुरज लांडगे यांनी केले.‎ त्यामध्ये त्यांनी इंडक्शन प्रोग्राम दरम्यान‎ राबवण्यात येणारे विविध कार्यक्रम व‎ प्रोग्रामचे मुळ उद्देशाबाबत सखोल‎ माहिती दिली. प्राचार्य डॉ. अ.‎ वि.चांदेवार यांनी इंडक्शन प्रोग्राम‎ बाबतचे महत्व विषद केले. तसेच त्यांनी‎ विद्यार्थ्यांनी फार्मसी क्षेत्र‎ मिळवण्याबाबत व महाविद्यालयात‎ प्रवेश घेतल्याबद्दल त्यांचे अभिनंदन‎ केले. फार्मसी क्षेत्रात उत्तुंग भरारी‎ घेण्याचे स्वप्न साकार करण्याकरता‎ कशा पध्दतीने अभ्यास करावा यावर‎ मार्गदर्शन केले.

तसेच पालकांना‎ कुठलीही तक्रार असल्यास त्यांच्याशी‎ कुठल्याही वेळेस संपर्क करू शकता‎ याची ग्वाही दिली. कार्यक्रमाची सुरवात‎ मान्यवरांच्या हस्ते दीपप्रज्वलन करून‎ करण्यात आली. पाहुण्यांचे स्वागत‎ गुलाब पुष्प देवुन करण्यात आले.‎ इंडक्शन प्रोग्राम अंतर्गत प्रथम सत्रात‎ प्रेमदास पखाडे यांनी स्वामी विवेकानंद‎ यांचे विचार व आजचा युवक यावर‎ मार्गदर्शन केले. विद्यार्थ्यांना व्यक्तीमत्व‎ विकास यावर महाविद्यालयाचे प्रा. परेश‎ वाधवाणी यांनी मार्गदर्शन केले. व्दितीय‎ सत्रात प्रा. डॉ. माधुरी चन्नावार यांनी‎ जिवन सुंदर आहे या विषयावर‎ मार्गदर्शन केले.

अंतिम सत्रात प्रा. डॉ.‎ सुप्रिया यादगिरवार यांनी आर्ट ऑफ‎ लिव्हिंग योगा आणि मेडिटेशन यावर‎ विस्तृत मार्गदर्शन केले. त्यांनी योगा व‎ मेडिटेशन काय असते त्याचे शारिरिक‎ व मानसिक जीवनावर होणारे‎ सकारात्मक परिणाम यावर मार्गदर्शन‎ केले. समारोपीय सत्रात कार्यक्रमाची‎ सांगता प्रसंगी प्रमुख अतिथी म्हणुन‎ सारिका जेस्वानी, प्राचार्य डॉ. मनिषा‎ किटुकले, प्रा. डॉ. एम. ए. चन्नावार,‎ डॉ. एस. आर.गावंडे उपस्थित होते.‎ अध्यक्षीय भाषणात डॉ. किटुकले यांनी‎ विद्यार्थ्यांची फार्मसी क्षेत्रात करीअर‎ निवड करण्याबाबत कौतुक केले.‎ कार्यक्रमाच्या यशस्वितेकरिता‎ महाविद्यालयाचे कार्यक्रम समन्वयक‎ प्रा.इश्वरी चौधरी व इतर प्राध्यापक वृंद‎ डॉ. अभिजीत श्रीराव, डॉ. अनिल‎ देवाणी, डॉ. दिपक मोहाळे, प्रा. परेश‎ वाधवाणी. प्रा. वैभव दारव्हेकर,आदिंचे‎ सहकार्य लाभले.‎ ‎- कार्यक्रमात उपस्थित मान्यवर‎