आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

व्यसन:व्यसनाच्या विनाशकारी वादळात‎ आजची युवा पिढी अडकत आहे‎

यवतमाळ‎एका महिन्यापूर्वी
  • कॉपी लिंक

यवतमाळ‎ व्यसन हे एक विनाशकारी वादळ आहे.‎ या वादळात आज युवा पिढी‎ अडकलेली आहे. या विनाशकारी‎ वादळाला आत्ताच थांबवले पाहिजे.‎ तरुण पिढी समाजाची आशा आहे. मात्र‎ या तरुण पिढीवर संस्कार नसल्याने ती ‎ ‎ व्यसनाच्या आहारी जात आहे. भौतिक सुखाला आसुसलेल्या पालकांना ना‎ संस्कार व परंपरा यांचा विसर पडलेला‎ आहे. मुलांचे भविष्य उज्ज्वल‎ करण्यासाठी त्यांच्यावर संस्कार‎ करावयास हवे असे प्रतिपादन‎ मुख्याध्यापक सतीश उपरे यांनी केले. ते‎ जाजू इंग्लिश मीडियम स्कूल येथे‎ विद्यार्थ्यांसाठी नववर्ष धुंदीत नव्हे,‎ शुद्धीत साजरे करा या विषयावर‎ व्याख्यानमालेत बोलत होते.‎

विद्यार्थ्यांमध्ये व्यसनाच्या‎ दुष्परिणामाबाबत जनजागृती‎ करण्यासाठी जिल्हाधिकारी व शिक्षण‎ विभाग, जिल्हा परिषद (माध्यमिक)‎ यांच्या आदेशान्वये संपूर्ण जिल्ह्यात‎ नशामुक्त भारत अभियान राबवण्यात‎ येत आहे. त्यांच्या आदेशांचे पालन करत‎ जाजू इंग्लिश मीडियम स्कूल मध्ये‎ व्याख्यान कार्यक्रमाचे आयोजन‎ करण्यात आले होते.

नवीन वर्षाचे‎ आगमन होत असताना तरुण मंडळी‎ पार्ट्या, दारु, गांजा, अमली पदार्थांचे‎ सेवन करून नवीन वर्षाचे स्वागत‎ करतात पण हे अत्यंत गैर आहे. हे युवा‎ पिढीला कळावे यासाठी //"नशामुक्त‎ भारत अभियान//"राबविण्याची गरज‎ निर्माण झाली आहे. नववर्ष धुंदीत नव्हे,‎ तर शुद्धीत साजरे करा अश्या शब्दात‎ विद्यार्थी व पालक मंडळीस नवीन‎ वर्षाच्या शुभेच्छा संस्थाध्यक्ष प्रकाश‎ जाजू, सचिव आशिष जाजू, संचालिका‎ शिल्पा जाजू, मुख्याध्यापक सतीश‎ उपरे, मुख्याध्यापिका रिता देशमुख,‎ समन्वयिका सुचिता पारेख, तसनिम‎ रतनामवाला, वंडरकिड्स माँटेसरीच्या‎ पर्यवेक्षिका अवनी रायचुरा इत्यादींनी‎ दिल्या. शिक्षक प्रमोद ढोले, अभिजित‎ पोजगे, सारिका वेळूकर, गौरी दाणी,‎ माहेवीश खान इत्यादींनी सहकार्य केले.‎

बातम्या आणखी आहेत...