हनुमान‎ जन्मोत्सव:बोरी अरब येथे हनुमान जयंतीला गाडे ओढण्याची परंपरा‎

दारव्हा येथून जवळच असलेल्या बोरी अरब‎ येथे हनुमान जयंतीला गाडे ओढण्याची परंपरा‎ आहे. पिढ्यान पिढ्यांपासून ही परंपरा चालत‎ आलेली आहे. कमरेला बैलगाड्या बांधून‎ ओढण्याची ही परंपरा यंदाही कायम असल्याचे‎ दिसून आले आहे.‎ बोरी अरब येथील मरी माय मंदिर हे फार‎ पुरातन मंदिर आहे. येथील हनुमान‎ जन्मोत्सवानिमित्त दरवर्षी मोठ्या श्रद्धेने गाड्या‎ ओढण्याची परंपरा आजही कायम आहे. या‎ परंपरेमध्ये एक भक्त आपल्या कमरेला सात ते‎ नऊ बैलगाड्या बांधून ओढत असतो.‎

दरवर्षीप्रमाणे याही वर्षी गुरुवार, दि. ६ एप्रिलला‎ सायंकाळी ५ वाजता गावातील स्वामी‎ चंद्रशेखर महाराज मंदिर ते मरिमाय मंदिर पर्यंत‎ असा अर्धा किलोमीटर अंतरापर्यंत कमरेला‎ सात ते नऊ बैलगाड्या बांधून ओढल्या आहे.‎ यंदा या गाड्या ओढण्याचा मान गावातील‎ नागरिक प्रकाश भीमराव तायडे यांना मिळाला‎ आहे. एका मागे एक बैलगाड्या लावून आणि‎ त्यावर मोठ्या संख्येत नागरिकांना बसवून एका‎ व्यक्तीने कमरेने गाडे बांधून ओढले आहे.‎ गेल्या अनेक वर्षापासून चालत आलेली ही‎ परंपरा यंदाही कायम ठेवण्यात आली आहे.‎