लाभ घेण्याचे आवाहन‎:प्रगटदिन सोहळ्यानिमित्त‎ देऊरवाडा येथे विविध कार्यक्रम‎

श्री. गजानन महाराज प्रगट‎ सोहळा निमित्त देउरवाडा (पु.)‎ येथे विविध कार्यक्रम आयोजित‎ करण्यात आले असून दि.७‎ फेब्रुवारी ते दि. १३ फेब्रुवारी २०२३‎ पर्यंत भजन, हरिकीर्तन, काल्याचे‎ कीर्तन, विजय ग्रंथाचे पारायण,‎ काकड आरती असे साप्ताहिक‎ कार्यक्रम आयोजित केले आहे.‎ हभप नथ्थूजी महाराज‎ चिखलकर, तुळशीदास गुरुजी‎ ढोले, तुळशीराम महाराज बावणे,‎ प्रभाकर गायकवाड महाराज, डांगे‎ महाराज, भानुदास महाराज यांच्या‎ माध्यमातून कार्यक्रम घेण्यात येत‎ आहे. गजानन महाराज प्रगट‎ सोहळा निमित्त मोफत रोगनिदान‎ शिबिर सोमवार, दि.१३ फेब्रुवारी‎ २०२३ रोजी सकाळी ११ ते ४‎ वाजता घेण्यात येणार आहे.‎

यासाठी नागपूर येथील सुप्रसिद्ध‎ डॉ. एस. पी.विनकर रुग्णांची‎ तपासणी करून उपचार करणार‎ आहे. तसेच दि.१३ फेब्रुवारी २०२३‎ रोजी श्री. गजानन महाराज‎ पालखी सोहळा व भव्य दिव्य‎ मिरवणूक सकाळी ९ ते दुपारी १२‎ वाजेपर्यंत राहणार आहे. या‎ कार्यक्रमाला प्रमुख उपस्थिती‎ पोलीस निरीक्षक धर्मराज सोनुने,‎ जिल्हा नियोजन समिती सदस्य‎ सुधीर देशमुख ,पांडुरंग खुरसडे‎ सह तालुक्यातील सर्व पत्रकार‎ बांधव व सर्व भक्त गण हजर‎ राहणार आहे. श्री. गजानन‎ महाराज संस्थान देऊरवाडा‎ येथील प्रगट सोहळा दि.१‎ जानेवारी १९९० पासून सुरु झाला‎‎‎‎‎‎‎‎‎‎‎‎ आहे.

गजानन महाराज संस्थान‎ साठी ह.भ.प.नथ्थूजी महाराज‎ चिखलकर यांनी स्वतः‎ मंदिरासाठी १८०० फुट जागा दान‎ दिली आहे. दि.१ जानेवारी १९९५‎ रोजी मंदिर उभारणी झाली व दि.१‎ जानेवारी १९९५ ते १ जानेवारी‎ २००९ पर्यंत मंदिरात गजानन‎ महाराज यांच्या पादुका व त्यांची‎ प्रतिमाचे पूजन केले जात होते.‎ तदनंतर संत गजानन महाराज प्राण‎ प्रतिष्ठा दि. ९ जानेवारी २००९ ला‎ करण्यात आली. तेव्हापासून‎ दरवर्षी प्रगट सोहळ्यानिमित्त‎ विविध उपक्रम राबवून हा उत्सव‎ साजरा केला जातो.‎ कीर्तन,भजन,भागवत यासारखे‎ विविध भक्तिमय कार्यक्रम‎ घेण्यात येतात. सोमवार , दि.१३‎ फेब्रुवारी २०२३ रोजी गजानन‎ महाराज प्रगट दिनानिमित्त दुपारी २‎ ते ५ या वेळेत महाप्रसादाचे‎ आयोजन करण्यात आले असून‎ या कार्यक्रमाचा भावीकभक्तांनी‎ लाभ घ्यावा असे आवाहन श्री‎ गजानन महाराज संस्थान सर्व‎ विश्वस्त मंडळ व समस्त गावकरी‎ मंडळी देउरवाडा (पु) यांनी केले‎ आहे.‎