जलजीवन मिशनचे काम निकृष्ट दर्जाचे:वडगाव येथे पाइपलाइन टाकताना नियम‎ बसवले धाब्यावर; खाेलीकरण एक फुटावर‎

जलजीवन मिशन अंतर्गत वडगाव येथे‎ पाइपलाइन टाकण्याचे काम सुरू आहे.‎ मात्र हे काम नियम धाब्यावर बसवून‎ ठेकेदार मनमर्जीने करत आहे. या कामात‎ निकृष्ट दर्जाचे साहित्य वापरले जात‎ आहे. सोबतच तीन फूट खोदण्याची‎ परवानगी असताना एक फूट खोलीकरण‎ केले जात आहे. या कामाची तक्रार‎ रहिवासी अनिल शिंदे यांनी गटविकास‎ अधिकारी संजय राठोड यांना यांच्याकडे‎ दाखल केली आहे.‎ तालुक्यातील वडगाव ग्रामपंचायत‎ कार्यालयाच्या हद्दीतील जलजीवन मिशन‎ अंतर्गत पाइपलाइन टाकण्याचे काम सुरू‎ आहे. त्यासाठी शासनाने ५१ लाख ७३‎ हजार २११ रुपयांचा निधी मंजूर केला‎ आहे. मात्र एवढा मोठा निधी‎ जिरवण्याचा प्रयत्न होत आहे.‎ पाइपलाइन टाकण्यासाठी सुरू‎ असलेल्या कामात निकृष्ट दर्जाचे‎ साहित्य वापरले जात आहे.

नियमानुसार‎‎‎‎‎‎‎‎‎‎‎‎‎ तीन फूट खोल करून पाइपलाइन‎ टाकण्याची मंजुरात मिळाली असल्याचा‎ दावा तक्रारदाराने केला आहे. परंतु‎ वास्तविक त्या ठिकाणी कुठे एक फूट,‎ तर कुठे दोन फूट खोलीकरण करून‎ पाइपलाइन टाकली जात आहे. ठेकेदार‎ मनमर्जीने खोदत असल्याचे तक्रारीमध्ये‎ नमूद आहे. ग्रामस्थांना पाणी पुरवठा‎ नियमित व्हावा, यासाठी गावातीलच‎ विहिरीवरून पाइपलाइन टाकण्यात येत‎ आहे.

यात विशेष बाब म्हणजे गावातील‎‎‎‎‎‎‎‎‎‎‎‎‎ त्याच विहिरीवरून पाइपलाइन‎ टाकण्यासाठी दहा लाख रुपये खर्च‎ करण्यात आला होता. त्या वेळेसची‎ कामेही थातूरमातूर दाखवून बिल काढले‎ होते. त्याच विहिरीवरून पाइपलाइन‎ टाकून यंदाही जलजीवन मिशन अंतर्गत‎ ग्रामस्थांना पाणी मिळावे म्हणून कामे‎ चालू आहेत. परंतु त्या कामात निकृष्ट‎ दर्जाचे साहित्य वापरले. यामुळे हे काम‎ थांबवून चौकशीची मागणी‎ नागरिकांकडून होत आहे.‎