नागरिकांचा सवाल:कर्णकर्कश आवाज करत फिरणाऱ्या‎ बुलेटविरांची हवा काेण काढणार

बुलेट बाइकला मॉडीफाय केलेले‎ सायलेन्सर लावून कर्णकर्कश आवाज‎ करत फिरणारे दुचाकीस्वारांची संख्या‎ शहरात मोठ्या प्रमाणात झाली आहे.‎ हॉस्पिटल्स, शाळा, महाविद्यालये तसेच‎ इतर शांत व सार्वजनिक ठिकाणी या‎ सायलेन्सरमुळे ध्वनिप्रदूषण होते.‎ शिवाय अनेकांना विनाकारण त्रासही‎ सहन करावा लागतो. त्यामुळे‎ बुलेटवरून हवा करत फिरणाऱ्या‎ अतिउत्साही युवकांची हवा काढण्याचे‎ आव्हान शहर वाहतूक शाखेवर येवून‎ ठेपले आहे.एकदा कारवाई केल्यानंतर‎ पुन्हा आढळून आलेल्या बुलेट स्वाराचा‎ वाहन परवाना रद्द करण्याची तयारी‎ सुध्दा पोलिसांनी केली आहे.‎

बुलेटची क्रेझ तरुणांमध्ये दिवसेंदिवस‎ वाढत असून दुचाकीचा फटफट‎ करणारा आवाज आणि वेगाशी स्पर्धा‎ करण्याच्या क्षमतेमुळे सध्या शहरांमध्ये‎ बुलेटचा धुमाकूळ सुरू आहे. मात्र, या‎ वाहनातील सायलेन्सरमध्ये केल्या‎ जाणाऱ्या बदलांमुळे होणारे ध्वनिप्रदूषण‎ दिवसेंदिवस वाढत असल्याने नागरिक‎ त्रस्‍त झाले आहे.‎ वाहन चालविताना वाहनांमधून किमान‎ ५० डेसिबल पर्यंत आवाज हा नियमात‎ आहे. मात्र, शहरातील रस्त्यांवर‎ धावणाऱ्या बुलेटचा आवाज हा ८० ते ९०‎ डेसिबल इतका असल्याने नियमाचे‎ उल्लंघन होत असल्याचे स्पष्ट दिसून‎ येत आहे.

यासाठी बुलेटच्या‎ सायलेन्सरमध्ये बेकायदा केले जाणारे‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ बदल कारणीभूत आहे. कर्णकर्कश‎ आवाजामुळे एखादा वाहनचालक‎ दचकून अपघाताची देखील शक्यता‎ आहे. अशा बुलेट विरांच्या आवाजाला‎ लगाम कोण लावणार, असा प्रश्न‎ नागरिकांकडून उपस्‍थित केल्या जात‎ आहे. बुलेटचे सायलेन्सर हा‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ परिवहनाच्या नियमानुसार बसवलेला‎ असतो. मात्र, काही ग्राहक वाहन विकत‎ घेतल्यानंतर त्यात बदल करून घेतात.‎ यामध्ये सायलेन्सर बदलला जातो किंवा‎ त्यावरील रबर ट्रॅप बसविला जात आहे.‎ त्यामुळे फटाक्यासारखा मोठा आवाज‎ होतो.शहरातील प्रमुख रस्त्यांवर बुलेट‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ चालक कर्णकर्कश भोंगे वाजवत वाहन‎ चालवत असल्याचे चित्र स्पष्ट दिसत‎ आहे. नागरी वस्ती मधून बुलेट नेताना‎ अनेक चालक मोठा आवाज करतात‎ अशा बुलेट विरांवर कारवाईसाठी‎ वाहतूक शाखा पुढाकार घेणार का,‎ असा प्रश्न उपस्थित केल्या जात आहे.‎

टार्गेट पूर्णत्वाकडे शहर‎ वाहतूक शाखेचे लक्ष‎ वर्षभर उभे राहून वाहतूक पोलिस‎ चौकाची शोभा वाढवितात. वर्षांच्या‎ शेवटी टार्गेट पूर्णत्वाकडे नेण्यासाठी‎ वरिष्ठांकडून दबावतंत्राचा वापर‎ केल्यानंतर ऍक्टिव्ह मोडवर येतात.‎ तद्नंतर कुठल्याही प्रकारे‎ वाहनचालकांना दंडाच्या पावत्या माथी‎ मारल्या जातात. शेवटी टार्गेट पूर्ण‎ करून स्वत:ची पाठ थोपटविण्यात शहर‎ वाहतूक शाखा धन्यता मानते.‎

तर वाहन परवाना रद्द‎ शहरात फटाक्यासारखा मोठा आवाज‎ करीत बुलेट चालवणाऱ्या चालकांवर‎कारवाई करण्यात‎येत आहे. त्या‎संदर्भात वाहतूक‎शाखेला सूचना‎देण्यात आल्या‎आहे. एकदा‎ कारवाई केल्यानंतर पुन्हा आढळून‎ आलेल्या बुलेट स्वाराचा वाहन परवाना‎ रद्द करण्याची सुध्दा तयारी केली आहे.‎ डॉ. पवन बन्सोड, पोलिस अधीक्षक,‎सर्व सामान्यांना प्रचंड‎ त्रास शहरातील प्रमुख रस्त्यांवर‎ बुलेट चालक कर्णकर्कश भोंगे‎ वाजवत वाहन चालवत‎ असल्याचे चित्र स्पष्ट दिसत‎ आहे. नागरी वस्ती मधून बुलेट‎ नेताना अनेक चालक मोठा‎ आवाज करतात. ह्या प्रकारामुळे‎ स्थानिक रहिवाशांना प्रचंड त्रास‎ सहन करावा लागत आहे. त्यामुळे‎ वाहतूक विभागाने विशेष मोहीम‎ राबवून त्यांच्यावर कारवाई करणे‎ गरजेचे झाले आहे.‎

विक्रीवरच कारवाई का नाही?‎ बुलेट व इतर गाड्यांच्या सायलेन्सरमध्ये‎ बदल करणाऱ्यांवर कारवाई केली जाते.‎ मात्र, अशा सायलेन्सरची विक्री‎ करणाऱ्यांवर कारवाईची आवश्यकता‎ आहे. शहरात अशाप्रकारे सायलेन्सर‎ बसवून देणाऱ्या आणि विक्री‎ करणाऱ्यांकडून कायद्याचा भंग होत‎ असून संबंधित विक्रेत्यांवर कारवाई‎ केली जावी, अशी मागणीच आता‎ नागरिकांकडून करण्यात येत आहे.‎

तर वाहन परवाना रद्द‎ शहरात फटाक्यासारखा मोठा आवाज‎ करीत बुलेट चालवणाऱ्या चालकांवर‎कारवाई करण्यात‎येत आहे. त्या‎संदर्भात वाहतूक‎शाखेला सूचना‎देण्यात आल्या‎आहे. एकदा‎ कारवाई केल्यानंतर पुन्हा आढळून‎ आलेल्या बुलेट स्वाराचा वाहन परवाना‎ रद्द करण्याची सुध्दा तयारी केली आहे.‎ डॉ. पवन बन्सोड, पोलिस अधीक्षक,‎

सर्व सामान्यांना प्रचंड‎ त्रास शहरातील प्रमुख रस्त्यांवर‎ बुलेट चालक कर्णकर्कश भोंगे‎ वाजवत वाहन चालवत‎ असल्याचे चित्र स्पष्ट दिसत‎ आहे. नागरी वस्ती मधून बुलेट‎ नेताना अनेक चालक मोठा‎ आवाज करतात. ह्या प्रकारामुळे‎ स्थानिक रहिवाशांना प्रचंड त्रास‎ सहन करावा लागत आहे. त्यामुळे‎ वाहतूक विभागाने विशेष मोहीम‎ राबवून त्यांच्यावर कारवाई करणे‎ गरजेचे झाले आहे.‎