प्रशासनाचे दुर्लक्ष:सदमध्ये सर्रास उघड्यावर मांस विक्री;‎ लम्पीग्रस्त जनावरांच्या कत्तलीचा संशय‎

संपूर्ण महाराष्ट्रात लम्पी आजाराने थैमान‎ घातलेले आहे. लम्पी हा विषाणुजन्य‎ आजार असल्याने यावर कोणतीही‎ उपचार देखील निघालेली नाही. अशा‎ परिस्थितीमध्ये पुसद शहरात सर्रास‎ उघड्यावर मांसाची विक्री होत‎ असल्याचा धक्कादायक प्रकार समोर‎ येत आहे. पुसद शहरात लम्पी आजाराने‎ ग्रस्त असलेल्या जनावराची कत्तल होत‎ असल्याचा संशय व्यक्त केल्या जात‎ आहे. अशा परिस्थितीत नगरपालिकेसह‎ पशू वैद्यकीय अधिकारी, पोलिस‎ अधिकारी देखील कारवाई करत‎ नसल्याने मांसाहारींना आजार‎ जडण्याची शक्यता नाकारता येत नाही.‎ शहरातील वसंत नगर, खडसे मैदान,‎ लोहार लाइन, गढी वॉर्ड, दिग्रस रोड, नूर‎ कॉलनीसह श्रीरामपूरसह आदी भागात‎ तर मोठ्या प्रमाणावर खुलेआम व‎ दिवसभर प्राण्यांचे मांस विकल्या जात‎ आहे.

त्यासोबतच वसंत नगरच्या गल्लो‎ गल्लीत व शहरातील मुख्य मार्गावर‎ खुलेआम प्राण्यांच्या मांसाची विक्री‎ केली जात आहे.‎ नगरपालिकेसह पशुसंवर्धन‎ कार्यालयाकडे मोजक्याच‎ परवानाधारकाची नोंद पिढ्यां पिढी‎ चालत आलेली आहे. परंतु शहरांमध्ये‎ परवानाधारक नसलेले ९० टक्के आहे.‎ अशांनी प्राण्यांच्या मांस विक्रीचे दुकाने‎ थाटलेली आहे. शहरात पावलोपावली‎ मास विक्रीच्या दुकानाने परिसरात‎ दुर्गंधी देखील पसरलेली आहे.‎

शहरापासून पंधरा किलोमीटर अंतरावर‎ असलेल्या जामबाजार, बेलोरा‎ इंदिरानगरसह शहरातील मुख्य ठिकाणी‎ प्राण्यांची कत्तल करून वाहतूक केल्या‎ जात आहे. याकडे मात्र पोलीस‎ प्रशासनाचे जाणीवपूर्वक दुर्लक्ष होताना‎ दिसून येत आहे. शहरातील लोहार‎ लाईन व वसंत नगरमध्ये परवानाधारक‎ नसलेले मोठ्या प्रमाणात प्राणंयांची‎ कत्तल करून दिवसभर व खुलेआम‎ मांसाची विक्री होत आहे. त्यामुळे लम्पी‎ आजाराने एखाद्या मांस शौकीनाचा‎ दुर्दैवाने मृत्यू झाल्यावर प्रशासनाला‎ जाग येईल की काय असा प्रश्न‎ उपस्थित केला जात आहे.‎

परवानाधारक नसलेल्यावर व‎ ज्यांच्याकडे परवाना आहे अश्या‎ मांसविक्रेते कशा पद्धतीने जनावराची‎ कत्तल करतात व त्यांना परवानगी कशा‎ पद्धतीने दिली जाते हा देखील‎ चौकशीचा विषय बनला आहे.‎ नगरपालिका, पशुवैद्यकीय अधिकारी व‎ पोलीस अधिकारी संयुक्त कारवाई‎ करतात का? याकडे मांसाहारी‎ शौकिनायसह नागरिकांची लक्ष‎ लागलेली आहे.‎

एकाही मांस विक्रेत्याची नोंद नाही‎ आमच्याकडे मोजकेच परवानाधारक जनावरांच्या कत्तलीसाठी‎ मंजुरी घेतात. उर्वरित परवानगी घेत नाहीत. आमच्याकडे अधिकृत मांस‎ विक्रेते परवानाधारकाची नोंद नाही. ती नगरपालिकेकडे असायला‎ पाहिजे. आजारी जनावरांची कत्तल करून विकणे चुकीचे आहे.‎ - डॉ. सुनील चव्हाण, पशुवैद्यकीय अधिकारी, पुसद‎ विनापरवाना मांस विक्रेत्यांवर होणार कारवाई‎ नगर पालिकेच्या हद्दीत पिढ्यां पिढ्या चालत आलेल्या मांस‎ विक्रेत्या परवाना धारकाची नोंद आहे. ज्यांच्याकडे परवाना‎ नाही अशांना नोटीस बजावून कारवाई करण्यात येईल.‎ खुलेआम व परवानगी नसताना मांस विकणे हे गुन्हा आहे.‎ - डॉ. किरण सुकलवाड, मुख्याधिकारी न.प. पुसद.‎