गुन्हा नोंद:अनैतिक संबंधाच्या‎ संशयावरून पत्नीची हत्या‎

‎ आपल्या पत्नीचे बाहेरील व्यक्तीसोबत प्रेमसंबंध‎ असल्याच्या संशयावरून पतीने पत्नीला विहिरीत ढकलून‎ जीवानिशी ठार केले. या घटनेने तालूका हादरला असून‎ ही घटना गुरुवार, दि. २ मार्चला रात्री ८ वाजताच्या‎ सुमारास तालुक्यातील शरद (ये ) येथे घडली. राहुल‎ ‎ ‎ उद्धव मेश्राम वय ३२ वर्ष असे आरोपी पतीचे नाव आहे.‎ तर पूजा मेश्राम वय २५ वर्ष असे मृत पत्नीचे नाव आहे.‎ कळंब तालुक्यातील शरद येथे राहुल मेश्राम हा आपल्या‎ शरद शिवारातील शेतात पत्नी व दोन अपत्यासह राहत‎ होता. पत्नी पूजा हिचे अनैतिक संबंध असल्याच्या‎ संशयावरून त्याच्यात अनेकदा खटके उडायचे.‎ अश्यातच दि. २ मार्चला सायंकाळी त्यांच्यात याच‎ कारणातून कडाक्याचे भांडण झाले.

यावेळी राहुल याने‎ पूजाचा काटा काढण्याचा बेत आखला. पिण्याचे पाणी‎ आणन्याच्या बहान्यातून राहुल याने पूजाला विहिरीवर‎ नेले. व आजुबाजूला कोणी नसल्याचा फायदा घेत‎ ढकलून दिले. त्यात काही वेळातच तिचा मृत्यू झाला. दोन‎ दिवसानंतर शव विहिरीत तरंगू लागल्याने ही घटना‎ उघडकीस आली. घटनेनंतर मृत पूजा हिचे वडील‎ जगदीश गजभिये यांच्या तक्रारीवरून राहुल मेश्राम‎ याच्याविरोधात गुन्हा नोंद करून पोलिसांनी अटक केली.‎ या घटनेने मृताच्या दोन सहा वर्षीय अपत्यांचा जगण्याचा‎ प्रश्न उभा ठाकला आहे.‎