क्राईम:व्यसनाधीन मुलाचा काटा काढण्यासाठी‎ आईकडून 5 लाखांची सुपारी‎, अवघ्या काही तासात सहा मारेकरी जेरबंद‎

व्यसनाधीन मुलाच्या त्रासाला‎ कंटाळून आईने 5 लाख रुपयांची‎ सुपारी देत खून करवून घेतल्याची‎ खळबळजनक घटना लोहारा‎ पोलिसांनी अवघ्या काही तासात‎ उघडकीस आणली. सोमवारी‎ लोहारा पोलिसांनी सहा जणांना‎ ताब्यात घेतले.‎

योगेश विजय देशमुख (28)‎ रा. नेरपिंगली ता. मोर्शी जि.‎ अमरावती असे मृताचे नावे आहे.‎ चौसाळा जंगलात एक अनोळखी‎ व्यक्तीचा मृतदेह पडून असल्याची‎ माहिती पोलिस हेल्पलाईन क्रमांक‎ ११२ वर विकी भगत रा. देवी नगर‎ याने दिली.‎ ही माहिती मिळताच लोहारा‎ पोलिसांनी घटनास्थळ गाठून‎ पाहणी केली.

यावेळी कुजलेल्या‎ अवस्थेत एका व्यक्तीचा मृतदेह‎ त्या ठिकाणी आढळुन आला. या‎ मृतदेहाची पाहणी करीत असताना‎ विकी भगत याने मृतदेहासंदर्भात‎ काही माहिती पोलिसांना दिली.‎ त्यामुळे त्याच्यावर संशय आल्याने‎ पोलिसांना लगेच त्याला ताब्यात‎ घेतले. त्याची कसून चौकशी केली‎ असता त्याने मित्रासोबत मिळून‎ खून केल्याची कबुली दिली.‎

इतकेच नव्हे तर मृत योगेश याच्या‎ आईनेच त्याचा खून करण्याची‎ सुपारी दिल्याचा खळबळजनक‎ खुलासा त्याने केला. योगेश हा‎ व्यसनाधीन असून तो त्याची आई‎ वंदना देशपांडे यांना त्रास देत होता.‎ त्याचा त्रास असह्य झाल्याने‎ वंदना देशपांडे यांनी यवतमाळ येथे‎ राहणाऱ्या त्यांच्या बहिणीच्या घरी‎ येवुन त्याचा बंदोबस्त करण्याचा‎ निर्णय घेतला. त्यात मृताची‎ मावशी उषा चौधरी त्यांचे पती‎ मनोहर चौधरी, त्यांचा मुलगा‎ लखन चौधरी यांच्या देवी नगर‎ येथील घरी बसून खुनाचा कट‎ रचला.‎

त्यात आरोपी विकी भगत आणि‎ राहुल पठाडे रा. देविनगर लोहारा‎ यांना ५ लाख रुपयांची सुपारी देवुन‎ योगेशचा खुन करण्यास सांगण्यात‎ आले. त्यासाठी २ हजार रुपयांचा‎ अॅडव्हान्स ही देण्यात आला.‎ त्यावरुन दोन्ही आरोपींनी २० एप्रिल‎ रोजी योगेश देशपांडे याला चौसळा‎ जंगलात नेवून त्याचा खुन केला.‎ ही माहिती मिळताच लोहारा‎ पोलिसांनी विकी भगत याला‎ सोबत घेत इतर आरांपींना अटक‎ केली.‎ अटक करण्यात आलेल्या आरोपीसह लोहारा पोलिस पथक.‎