आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

विकास करण्याचा संकल्प‎:मुकुंदराज स्वामी भक्त निवासाच्या 100 खोल्यांचे करणार नूतनीकरण‎

‎ ‎ ‎ ‎ रवी मठपतीएका महिन्यापूर्वी
  • कॉपी लिंक

अंबाजोगाई‎ येथील आद्य कवी मुकुंदराज स्वामी‎ भक्त निवासाच्या शंभर खोल्यांचे नव्या‎ वर्षात नूतनीकरण करण्यात येणार आहे.‎ संरक्षक भिंत, विठ्ठल रुख्माई मंदिर व‎ परिसराचे सुशोभीकरण, विद्युतीकरण,‎ पाण्याची सोय याचाही समावेश यात‎ आहे. यासाठी दहा लाख रुपयांहून‎ अधिक खर्च अपेक्षित आहे.आवश्यक‎ असलेला खर्च लोकसहभागातून‎ करण्यात येणार आहे.‎ मराठीचे आद्य कवी मुकुंदराज स्वामी‎ यांची अंबाजोगाई शहरालगतच्या बाला‎ घाटाच्या रांगा परिसरात समाधी आहे.‎ आजूबाजूला मोठमोठाल्या पर्वत रांगा,‎ दऱ्या असून अत्यंत निसर्गरम्य वातावरण‎ आहे. या ठिकाणी आद्य कवी मुकुंदराज‎ स्वामी भजनी मंडळाच्या वतीने शंभर‎ खोल्यांचे भक्तनिवास गेल्या १२५‎ वर्षांपासून अस्तित्वात आहे.

या ठिकाणी‎ दररोज विविध धार्मिक कार्यक्रम होतात.‎ पहाटे काकड आरती, विष्णु सहस्त्र‎ नामपाठ, हरिपाठ, पंचपदी, भजन, वद्य‎ एकादशी रोजी गीता पारायण, फराळाचे‎ वाटप, वद्य एकादशी रोजी आद्य कवी‎ मुकुंदराज स्वामींच्या समाधीकडे दिंडीचे‎ प्रस्थान होते. स्वामीजींची आरती,‎ कीर्तन इत्यादी धार्मिक कार्यक्रम नियमित‎ होतात. विशेष करून या ठिकाणी‎ मुकुंदराज स्वामी यांच्या समाधी‎ दर्शनासाठी येणाऱ्या भाविक भक्तांना‎ त्याचप्रमाणे पर्यटकांसाठी मोफत भक्त‎ निवासाची सोय करण्यात आली आहे.‎ भक्त निवासाच्या शंभर खोल्यांचे‎ नूतनीकरण व सुशोभीकरण झाल्यानंतर‎ अंबाजोगाई येथे देवदर्शनासाठी,‎ पर्यटनासाठी आलेल्या पर्यटकांच्या‎ निवासाची गैरसोय दूर होणार‎ आहे.आद्यकवी मुकुंदराज स्वामी भजनी‎ मंडळाच्या विश्वस्तांनी हा निर्णय घेतला‎ आहे. नव्या वर्षांमध्ये या कामाला‎ सुरुवात होणार असल्याची माहिती‎ विश्वस्त मंडळाचे अध्यक्ष किसन‎ महाराज पवार यांनी दिली.‎

रस्त्याचे हवे डांबरीकरण‎
शहरापासून आद्य कवी मुकुंदराज‎ समाधी स्थळ हे अंदाजे दोन ते‎ अडीच किलोमीटर अंतरावर‎ आहे. या समाधीकडे जाणाऱ्या‎ रस्त्याची अत्यंत दुरवस्था झाली‎ असून येणाऱ्या जाणाऱ्या भक्तांची‎ यामुळे मोठी गैरसोय होत आहे.‎ रस्त्याचे डांबरीकरण करणे‎ अत्यावश्यक आहे. हे काम‎ झाल्यास भक्तांची संख्या मोठया‎ प्रमाणात वाढेल.‎

सव्वाशे वर्षांचे भक्त निवास‎
आद्यकवी मुकुंदराज स्वामी भजनी‎ मंडळाच्या विश्वस्त मंडळाकडून १००‎ खोल्यांमध्ये भक्तनिवासाची सोय‎ करण्यात आली आहे. या भक्त‎ निवासाला सव्वाशे वर्षाची परंपरा‎ आहे. नूतन वर्षात मंदिर व परिसराचा‎ विकास करण्याचा संकल्प असून‎ यासाठी दहा लाख रुपयांहून अधिक‎ खर्च अपेक्षित आहे.‎ - किसन महाराज पवार,‎ अध्यक्ष, ट्रस्ट‎

बातम्या आणखी आहेत...