गोमांस:आष्टीत 200 किलो गोमांस पकडले

बेकायदेशीररीत्या गोवंशीय प्राण्यांची कत्तल करून त्यांचे मांस चोरटी विक्री करण्यासाठी साठवून ठेवणाऱ्या दोघांविरूध्द आष्टी ठाण्यात गुन्हा दाखल झाला. ९ डिसेंबर रोजी शहरातील तलवार नदीच्या किनार्‍यालगत कुरेशी गल्ली येथे पोलिसांनी ही कारवाई केली.

शाकेर कुरेशी व अरबाज शाकेर कुरेशी (रा.कुरेशी गल्ली, आष्टी) अशी गुन्हा दाखल झालेल्या आरोपींची नावे आहेत. याबाबत उपनिरीक्षक काळे यांनी फिर्याद नोंदवली. ९ डिसेंबर रोजी साडेसात वाजेच्या सुमारास आरोपींनी गोवंशीय प्राण्यांची कत्तल करून २०० किलो मांस चोरटी विक्री करण्यासाठी ठेवले असल्याचे पोलिसांना दिसून आले होते. त्यानंतर दोघांविरुद्ध कारवाई करत गुन्हा दाखल केला.