विद्यार्थ्यांना बक्षिस‎:विश्व फांउडेशनच्या शिष्यवृत्ती‎ परिक्षेत 200 विद्यार्थ्यांचा सहभाग‎

ग्रामीण भागातील विद्यार्थ्यांमध्ये‎ स्पर्धा परीक्षेची गोडी निर्माण होऊन‎ या परिक्षेसाठी विविध विषयांचे ज्ञान‎ अवगत करावे यासाठी विडा (ता.‎ केज) येथे विश्व फाउंडेशन हे‎ स्व.विश्वंभर ज्योतिबा पवार यांच्या‎ स्मृती प्रित्यर्थ मागील काही‎ वर्षांपासून शिष्यवृती परीक्षा घेते.‎ रविवारी घेतलेल्या या परीक्षेत या‎ भागातील २०० विद्यार्थ्यांनी सहभाग‎ घेत परीक्षा दिली.

आता निकालानंतर‎ प्रत्येक वर्गातून पहिल्या तीन‎ विद्यार्थ्यांचा सन्मान चिन्ह देऊन‎ गौरव केला जाणार आहे.‎ केज तालुक्यातील विडा येथे मागील‎ काही वर्षापासून विश्व फाउंडेशन हे‎ ग्रामीण विद्यार्थ्यांमध्ये स्पर्धा परीक्षेची‎ बीजे रुजावीत. त्यांनी भविष्यात‎ स्पर्धा परीक्षेची भीती मनातून काढून‎ तयारी करीत यश संपादन करावे हा‎ उद्देश समोर ठेवून स्व.विश्वंभर‎ ज्योतिबा पवार यांच्या स्मृती प्रित्यर्थ‎ शिष्यवृती परिक्षेचे आयोजन केले‎ जाते. यंदा ही रविवारी दुपारी १२‎ वाजता गावातील राजा हनूमान मंदिर‎‎‎‎‎‎‎‎‎‎‎‎‎‎ परिसरात या शिष्यवृत्ती परीक्षा‎ घेण्यात आली.

या परिक्षेत‎ परिसरातील विद्यार्थ्यांनी उस्फुर्त‎ प्रतिसाद देत २०० विद्यार्थ्यांनी परीक्षा‎ दिली. तर सदरील परिक्षेत प्रत्येक‎ वर्गातून प्रथम येणाऱ्या विद्यार्थ्यांना‎ ३००१ रूपये, द्वितीय विद्यार्थ्यास १५००‎ एक रूपये तर तृतीय येणाऱ्या‎ विद्यार्थ्यांस १००१ रूपये रोख बक्षिस‎ व सन्मान चिन्ह देऊन गौरव करण्यात‎ येणार आहे. विश्व फांडेशनने सुरू‎ केलेल्या उपक्रमाच्या माध्यमातून‎ ग्रामीण भागातील विद्यार्थ्यांना स्पर्धा‎ परिक्षेचे व्यासपीठ निर्माण झाले‎‎‎‎‎‎‎‎‎‎‎‎‎‎ आसून अतिशय चांगला उपक्रम‎ राबवल्याचा आनंद होत असल्याचे‎ मत याप्रसंगी माजी पं. स. सदस्य तथा‎ शिक्षक विजयकुमार पटाईत यांनी‎ व्यक्त केले. ही परीक्षा यशस्वी‎ करण्यासाठी विश्व फाउंडेशनचे‎ अध्यक्ष स्वप्निल पवार, शिक्षक‎ देशमुख, कुलकर्णी, कुरेशी, निर्मळ,‎ प्रा. सचिन जाधव, डाॅ.धनराज पवार,‎ चिंतामण काळे, श्याम भोसले,‎ डॉ.उदय पवार यांनी परिश्रम घेतले.‎ तर परीक्षेस आलेल्या विद्यार्थ्यांची‎ फाउंडेशनच्या वतीने नाश्त्याची सोय‎ करण्यात आली होती.‎