दिव्य मराठी विशेष:2.25 लाख खर्चात 5.5 लाखांचे कलिंगड‎

‎दोन लाख १६ हजार रूपयांच्या खर्चात‎ गेवराई तालुक्यातील खांडवी येथील‎ शेतकरी दत्तात्रय केशव टेकाळे यांनी‎ शेतातील बोअरचे पाणी विहिरीत सोडून‎ ठिबक सिंचनावर कलिंगडाच्या शेतीतून‎ पाच लाख ५० हजार रूपयांचे उत्पन्न‎ घेतले आहे. शनिवारपासून कलिंगडाची‎ काढणी सुरू झाली असून माजलगाव‎ येथील व्यापाऱ्यांनी खरेदी सुरु केली‎ आहे.

आता गेवराईची कलिंगडे थेट‎ राजधानी दिल्लीत पोहचणार आहेत.‎ तालुक्यातील खांडवी येथील शेतकरी‎ दत्तात्रय टेकाळे हे शेतीत नेहमीच‎ नवनवीन प्रयोग करतात. तीन भावंडात‎ साडे चौदा एकर जमीन असुन शेतात‎ ऊस, कापूस, मोसंबी, गव्हासह इतर‎ पीक आहे. टेकाळे यांनी पावणे तीन एकर‎ शेतात ९ जानेवारी २०२३ रोजी बीड येथून‎ नर्गिस गोल्ड जातीचे कलिंगडाची २२‎ हजार रोपे आणून पाठक यांच्या‎ मार्गदर्शनाखाली लागवड केली. शुक्रवारी‎ त्यांच्या शेतातील कलिंगडाची पाहणी‎ माजी राज्यमंत्री शिवाजीराव पंडित यांनी‎ करत काैतुक केले.‎

शनिवारपासुन शेतातील कलिंगड‎ काढणीचे काम सुरू झाले असुन एकुण‎ ७० टन कलिंगड निघणार आहेत.‎ माजलगाव येथील व्यापाऱ्यांनी टेकाळे‎ यांच्या शेतातील कलींगडाची खरेदी केले‎ असुन हे कलिंगड आता देशाची‎ राजधानी असलेल्या दिल्लीत पोहचणार‎ आहेत. सध्याच्या परिस्थितीत ९ रूपये‎ किलो प्रमाणे कलिगडे विक्री हाेत आहे.‎

बोअरचे पाणी‎ विहिरीत सोडून‎ ठिबक सिंचन‎ कलिंगड लागवडीसाठी‎ शेतकरी टेकाळे यांनी‎ नांगरणी, मल्चिंग, खत,‎ फवारणी केली. कामगारसह‎ त्यांना एकुण २ लाख १६‎ हजार रुपये खर्च आला.‎ उत्पन्न ५ लाख ५० हजार‎ रुपयांचे झाले आहे. त्यांच्या‎ शेतात चार बोअर असून‎ बोअरचे पाणी विहिरीत‎ सोडून ठिबक सिंचनावर‎ त्यांनी कलिंगडाचे मोठ्या‎ प्रमाणावर उत्पादन घेतले‎ आहे.

आधुनिक तंत्रज्ञानाचा अवलंब केल्यास फायदा
‎ माझ्या शेतातील कलिंगड हे दाेन किलोपासून ११ किलो वजनाचे‎ आहे. आधुनिक तंत्रज्ञानाचा अवलंब करून शेती केल्यास कमी‎ वेळात कमी क्षेत्रात चांगले उत्पन्न शेतकरी घेऊ शकतात.‎ - दत्तात्रय टेकाळे, शेतकरी, खांडवी ता.गेवराई‎