गैरकृत्यांना घाला‎:अंबाजोगाई तालुक्यातील राडी तांडा‎ येथे 600 लिटर गावठी दारू नष्ट‎

येथील अपर पोलिस अधीक्षक‎ कविता नेरकर यांच्या पथकाने‎ रविवारी सकाळी अंबाजोगाई‎ तालुक्यातील राडी तांडा येथील‎ गावठी हातभट्टीवर छापा मारला.‎ यावेळी ५ जणांना ताब्यात घेत‎ पोलिसांनी १ लाख ८५ हजार‎ रुपयांची ६०० लिटर दारू आणि‎ रसायन नष्ट केले.‎ होळी व धूलिवंदनाच्या दिवशी‎ मद्य सेवनातून अनेक गैरप्रकार‎ घडतात. गैरकृत्यांना आला‎ घालण्यासाठी अपर पोलीस‎ अधीक्षक कविता नेरकर यांनी‎ त्यांच्या विशेष पथकाला‎ बेकायदेशीर दारूभट्ट्यावर कारवाई‎ करण्याच्या सूचना केल्या होत्या.‎ दरम्यान, राडी तांडा येथे काही‎ व्यक्ती त्यांच्या घरासमोर बसून‎ बेकायदेशीररीत्या हातभट्टी तयार‎‎‎‎‎‎‎‎‎‎‎ करत असल्याची माहिती पथक‎ प्रमुख एपीआय रवींद्र शिंदे यांना‎ मिळाली होती.

त्यांनी छापा मारून‎ रोहिदास किसन आडे, सुंदर रामचंद्र‎ आडे, आकाश विश्वनाथ आडे,‎ गजानन सुभाष आडे आणि सचिन‎ सुंदर आडे या पाच जणांना गावठी‎ हातभट्टीची दारू तयार करताना‎ आणि विक्री करताना रंगेहाथ‎ पकडले. यावेळी पोलिसांनी दारू‎ तयार करण्याचे रसायन आणि तयार‎ दारू असा एकूण १ लाख ८५ हजार‎‎‎‎‎‎‎‎‎‎‎ रुपयांचा मुद्देमाल जप्त करून‎ जागेवर नष्ट केला. याप्रकरणी‎ देवानंद देवकते यांच्या तक्रारीवरून‎ पाचही आरोपींवर अंबाजोगाई‎ ग्रामीण ठाण्यात गुन्हा नोंदवण्यात‎ आला. कारवाई अपर अधीक्षक‎ नेरकर यांच्या मार्गदर्शनाखाली‎ एपीआय शिंदे, पीएसआय शिंगाडे,‎ पोलिस कर्मचारी राठोड, तानाजी‎ तागड, बासर, गायकवाड व‎ आरसीपीच्या कर्मचाऱ्यांनी पार‎ पाडली.‎