उमेदवार:शिरूरला 24 ठिकाणी सरपंचपदासाठी 69 उमेदवार‎

मुदत संपणाऱ्या २४ ग्रामपंचायतीच्या‎ निवडणुका तालुक्यात पार पडत‎ आहेत. या अनुषंगाने उमेदवारांनी‎ २८ नोव्हेंबर ते ५ डिसेंबरपर्यंत‎ उमेदवारी अर्ज सादर केले असून‎ निवडणुकांची पुढील प्रक्रिया पार‎ पडली. आता तालुक्यात २४‎ ग्रामपंचायतीत एकूण ६९ उमेदवार‎ थेट सरपंचपदासाठी निवडणूक‎ लढवत आहेत तर २४‎ ग्रामपंचायतीमधील २२२ सदस्य‎ पदासाठी ४८६ उमेदवार निवडणूक‎ मैदानात आहेत. पॅनल ठरले चिन्ह‎ मिळाले. कित्येक पॅनलचे प्रचाराचे‎ नारळ देखील फुटले असून यामुळे‎ निवडणूक रंगत वाढत जात आहे.‎ शिरूर तालुक्यामध्ये एकूण ५२‎ ग्रामपंचायती आहेत. यामधील २४‎ ग्रामपंचायतीची मुदत डिसेंबर‎ महिन्यात संपणार होती.

या‎ अनुषंगाने २४ ग्रामपंचायतीचा‎ निवडणूक कार्यक्रम देखील प्रारंभ‎ झालेला असून निवडणुकांची रंगत‎ सध्या गाव गाड्यात पाहण्यासाठी‎ मिळत आहे. थेट जनतेमधून सरपंच‎ पद निवडले जाणार असल्याने २४‎ ग्रामपंचायतीच्या सरपंच पदासाठी‎ ६९ उमेदवार निवडणूक मैदानात‎ नशीब आजमावत आहेत.‎ सरपंचपद थेट जनतेतून निवडले‎ जाणार असले तरी उपसरपंच‎ पदासाठी देखील रस्सीखेच‎ चालणार असल्याने सदस्य पदावर‎ देखील प्रत्येक जण बसण्याच्या‎ कुवतीनेच निवडणूक मैदान गाजवत‎ आहे.‎ सरपंचपद थेट जनतेतून निवडले‎ जाणार असल्याने तालुक्यातील‎ बऱ्याच ग्रामपंचायतीमधून अपक्ष‎ एकला चलो रे या भूमिकेतून अनेक‎ उमेदवारांनी थेट सरपंच पदाच्या‎ अर्ज भरलेले आहेत तर अनेक‎ ग्रामपंचायतीमध्ये दुरंगी,तिरंगी व‎ चौरंगी लढती सुरू असून लढतीची‎ रंगत हळूहळू वाढत असून राजकीय‎ पक्ष प्रतिष्ठा पणाला लावत आहेत.‎

राष्ट्रवादी काँग्रेस आणि‎ भाजपमध्ये प्रमुख लढती‎ आष्टी व बीड विधानसभा मतदारसंघात‎ विभागलेल्या शिरूर कासार तालुक्यातील‎ २४ ग्रामपंचायतीच्या निवडणुकांत विविध‎ राजकीय पक्षांनी नशिब आजमावलेले आहे.‎ यामध्ये जवळपास बहुतांश ग्रामपंचायतीत‎ राष्ट्रवादी काँग्रेस व भाजप यांच्या पॅनलच्या‎ निवडणुका सरळ सरळ होत असून‎ शिवसेना, मनसे शिवसंग्राम यांनीही आपले‎ पॅनल निवडणूक मैदानात उतरवलेले आहेत.‎