विपरीत बुद्धी:लग्नात विघ्न आणण्यासाठी‎ प्रेयसीकडून मुलाचे अपहरण;‎ संभाजीनगर पोलिसांनी तीन तासांत केली अटक‎

आपल्याला सोडून दुसऱ्या मुलीशी‎ लग्न करत असलेल्या प्रियकराचे‎ लग्न मोडावे यासाठी प्रेयसीने‎ आपल्या मैत्रिणीला सोबत घेत‎ प्रियकराच्या नात्यातील दीड वर्षीय‎ बालकाच्या अपहरणाचा कट रचत‎ अपहरण केले. संभाजीनगर पोलिस‎ ठाण्यात याबाबत तक्रार दाखल‎ होताच पोलिसांनी या प्रकरणाचा छडा‎ लावत तीन तासांत दोन्ही मुलीसह‎ ताब्यात घेऊन तीन वर्षीय बालकाची‎ सुटका केली. ही घटना ही‎ प्रेमप्रकरणातून घडली असून‎ प्रेयसी व तिच्या मैत्रीणीने हा प्रकार‎ केल्याचे उघडकीस आले आहे.

म्हणून प्रेयसीने रचना अपहरणाचा कट..

त्यात‎ प्रियकराचे लग्न गुरुवार २५ रोजी‎ परळी येथे होते. लग्न घरी‎ शिवाजीनगर येथे बांगड्या भरण्याचा‎ कार्यक्रम चालू होता. या लग्नानिमित्त‎ आलेल्या नातलगांच्या मुलापैकी एका‎ मुलाचे अपहरण करण्याचा कट त्या‎ प्रेयसीने रचला. मला सोडून इतर‎ मुलीशी लग्न करतोय म्हणून प्रेयसीने‎ आपल्या मैत्रिणीच्या मदतीने कट‎ रचला.

चॉकलेट दिले अन् ऑटोत पसार केले

नातेवाइकांचा लहान मुलास‎ चॉकलेट देऊन त्यास ॲटोमध्ये‎ बसवून घेऊन पसार झाली. याबाबत‎ संबंधित बालकाचे वडिल रोहित‎ सावंत यांनी २४ मे रोजी सायंकाळी ७‎ वाजता संभाजीनगर पोलिस ठाण्यात‎ फिर्याद दाखल केल्यानंतर तपासाची‎ चक्रे फिरवली. घटनास्थळाजवळ‎ सीसीटीव्ही नसल्याने इतर ठिकाणचे‎ सीसीटीव्ही तपासले. आरोपीची‎ ओळख पटल्यानंतर मोबाइल नंबरचा‎ शोध घेऊन लोकेशनचा शोध घेतला‎ असता लोकेशन गंगाखेड येथे व‎ तेथून वैद्यनाथ मंदिराजवळ‎ सापडल्यानंतर त्या बालकासह दोन्ही‎ मुलींना ताब्यात घेतले.‎