गुन्हेगारीचा कळस:अल्पवयीन मुलीवर अत्याचार, त्रासाला‎ कंटाळून विहिरीत उडी घेऊन आत्महत्या, मुलीच्या पार्थिवावर तिसऱ्या दिवशी अंत्यसंस्कार

यवतमाळ जिल्ह्यातील ऊसतोड‎ मजुराच्या अल्पवयीन मुलीस ट्रक‎ मालकाने केज तालुक्यातील डोका‎ गावी पळवून आणून तिला मारहाण‎ करत अत्याचार केला. या त्रासाला‎ कंटाळन मुलीने गुरुवारी ४ रोजी‎ विहिरीत उडी मारली. गंभीर अवस्थेत‎ तिला उपचारासाठी घेऊन जात‎ असताना तिचा मृत्यू झाला. या प्रकरणी‎ गुन्हा दाखल करण्यासाठी मुलीच्या‎ कुटुंबीयांनी पोलिस ठाण्यात ठिय्या‎ केल्यानंतर पोलिसांनी ट्रकमालक‎ सुशील भांगे याच्याविरुद्ध आत्महत्येस‎ प्रवृत्त करणे, बलात्कार, पोस्को‎ कायद्यानुसार केज पोलिसात गुन्हा‎ दाखल करण्यात आला असून‎ पोलिसांनी त्याला अटक केली आहे.

दरम्यान, तिसऱ्या दिवशी मुलीच्या‎ मृतदेहाचे शवविच्छेदन करण्यात‎ आल्यानंतर केज येथे मुलीच्या‎ पार्थिवावर अंत्यसंस्कार के ले.‎ यवतमाळ जिल्ह्यातील एक ऊसतोड‎ मजुराचे कुटुंब कर्नाटक राज्यात साखर‎ कारखान्यावर गेले होते. सदरील‎ कारखान्याच्या गळीत हंगाम पूर्ण होताच‎ दुसऱ्या कारखान्यास जाण्यासाठी वेळ‎ असल्याने ट्रकमालक सुशील संपत‎ भांगे (रा. डोका, ता. केज) याने‎ कुटुंबास स्वत:च्या गावी सोयाबीन काढणीस नेले.

डिसेंबर २०२२ मध्ये‎ सुशील भांगे याने अल्पवयीन मुलीस दुसऱ्या कारखान्यावर तिच्या मोठ्या‎ बहीण व मेहुण्यासोबत न पाठवता डोका येथे गावी ठेवले. तेव्हा आई-वडील हे ‎ स्थानिक पोलिसात तक्रार देण्यासाठी‎ गेले तेव्हा पोलिसांनी तुमची मुलगी ज्या‎ ठाण्याच्या हद्दीत आहे त्या ठाण्यात‎ तक्रार देण्यास सांगितले.

मुलीने आईला फोनवरून दिली होती माहिती

दरम्यान,‎ मुलीने आईला फोन करून सुशील हा‎ मारहाण करून अत्याचार करत‎ असल्याचे सांगितले. आई-वडिलांनी‎ मुलीला डोका गावातून घेऊन तिच्या‎ मोठ्या बहिणीकडे सोडले. त्यांनतर‎ भांगेने पाच दिवसांतच मुलीला डोका‎ गावात आणून पुन्हा मारहाण करून‎ तिच्यावर अत्याचार केला होता.‎