वेळेचे नियोजन:स्पर्धात्मक काळामुळे इंग्रजीचे‎ ज्ञान आत्मसात करा : जयदत्त धस‎

कोणताही अभ्यास करत असताना योग्य दिशा‎ ठरवून व वेळेचे नियोजन करून परिश्रम‎ केल्यास हमखास यश मिळते सध्याचा‎ स्पर्धात्मक काळ बघता सर्व विद्यार्थ्यांना इंग्रजी‎ भाषेचे ज्ञान आत्मसात करणे ही काळाची‎ गरज असून विद्यार्थ्यांसाठी इंग्रजी भाषा‎ आत्मसात व्हावी याकरिता दिले गेलेले‎ शैक्षणिक साहित्य व पुस्तक हे विद्यार्थ्यांसाठी‎ निश्चितच उपयोगी ठरतील असा विश्वास‎ युवा नेते जयदत्त धस यांनी व्यक्त केला.‎

पाटोदा पत्रकार संघाच्या वतीने पत्रकार‎ संघाचे अध्यक्ष सोमीनाथ कोल्हे, तुकाराम‎ येवले यांच्या पुढाकारातून शालेय‎ विद्यार्थ्यांसाठी इंग्रजी भाषेच्या पुस्तकांसह‎ शैक्षणिक साहित्य तसेच ५३ दिव्यांगांना ड्रेस व‎ साड्यांचे वाटप व रक्तदान शिबिराचे देखील‎ आयोजन करण्यात आले होते.‎ याप्रसंगी व्यासपीठावर माजी जिल्हा परिषद‎ अध्यक्ष सय्यद अब्दुल्ला, माजी जि. प.‎ सभापती महेंद्र गर्जे, गटनेते बळीराम पोटे,‎ उपनगराध्यक्ष शरद बामदळे यांच्यासह‎ नगरसेवक सभापती व मान्यवरांची उपस्थिती‎ होती. प्रास्ताविक करताना सोमीनाथ कोल्हे‎ यांनी या कार्यक्रमाची रूपरेषा स्पष्ट केली.‎

धस म्हणाले, कोणत्याही क्षेत्रात यश‎ मिळवायचे असेल तर कठोर मेहनत व‎ अभ्यास याला पर्याय नाही अशा प्रकारचे‎ कार्यक्रम आयोजित केल्यामुळे विद्यार्थ्यांसाठी‎ याचा निश्चितच चांगला उपयोग होणार आहे.‎ दिव्यांग बांधव हे आपले महत्त्वाचे घटक‎ असून बांधवांसाठी सरकारने देखील विविध‎ योजनांच्या माध्यमातून या घटकाला खऱ्या‎ अर्थाने न्याय देण्याचे काम केले आहे.‎

रक्तदानाचे महत्त्व हे कोविड काळात सर्वांनाच‎ समजले असे धस म्हणाले.‎ माजी जिल्हा परिषद सय्यद अब्दुल्ला,‎ नगरसेवक महादेव जाधव, सुशील कोठेकर,‎ दर्शन कांकरिया, बळीराम पोटे, एल आर‎ जाधव, रामेश्वर गोरे, महेश बेदरे यांनी मनोगत‎ व्यक्त केले. सूत्रसंचालन सुरेखा खेडकर यांनी‎ केले.कार्यक्रमास विद्यार्थी, पालक व‎ नागरिकांची मोठ्या संख्येने उपस्थिती होती.‎