‎ ग्रामपंचायत कार्यकाळ:माजलगाव तालुक्यातील 34‎ ग्रामपंचायतीवर प्रशासक राज‎

माजलगाव‎ १ जानेवारी २०२३ ते ७ जानेवारी २०२३‎ दरम्यानच्या तालुक्यातील ३४‎ ग्रामपंचायतीचा कार्यकाळ पूर्ण होत‎ आहे. त्या ठिकाणी आत्ता‎ प्रशासकराज आले आहे. या‎ गावातील गाव पुढाऱ्यांना निवडणुका‎ केव्हा जाहीर होणार यांची उत्सुकता‎ लागली आहे‎ माजलगाव तालुक्यातील ४४‎ ग्रामपंचायतीच्या निवडणुका पहिल्या‎ टप्प्यात नुकत्याच मागील महिन्यात‎ पार पडल्या.

जनतेतून सरपंच‎ असल्याने मोठ्या चुरशी गावागावात‎ पाहायला मिळाल्या. आत्ता‎ तालुक्यात दुसऱ्या टप्यात असणाऱ्या‎ ग्रामपंचायतीच्या निवडणुका जाहीर‎ झाल्या नसल्या तरी या ३४‎ ग्रामपंचायतीवर प्रशासक राज मात्र‎ आले आहे.

यामध्ये, लोणगाव,‎ लऊळ, खतगव्हाण,‎ साळेगाव,सरवर पिंपळगाव, निपाणी‎ टाकळी, वारोळा, तालखेड,‎ सावरगाव, हारकी निमगाव, सांडस‎ चिंचोली, केसापुरी, शेलापुरी,‎ मंगरूळ, पुरुषोत्तमपुरी, मंजरथ,‎ टालेवाडी, सिमरी पारगाव, महातपुरी,‎ रिधोरी, भाटवडगाव, लुखेगाव, वांगी‎ बु., शिंदेवाडी वांगी, टाकरवण,‎ काळेगावथडी, डुब्बा मजरा, तेलगाव‎ खु.,खानापुर, उमरी बु., चिंचगव्हण,‎ फुले पिंपळगाव, सोमठाणा,‎ छोटेवाडी या ग्रामपंचायतींवर‎ अधिकाऱ्यांची प्रशासक म्हणून‎ नियुक्ती केली गेली आहे. निवडणुका‎ होईपर्यंत अधिकारी ग्रामपंचायतींचा‎ कारभार पाहणार आहेत‎