आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

लव्हुरी ग्रामसेवक निलंबित‎:87 हजार वसूल करून,‎ शासन जमा केले नाही‎

केज‎एका महिन्यापूर्वी
  • कॉपी लिंक

लव्हुरी (ता. केज) येथील‎ ग्रामपंचायतीचे ग्रामसेवक धनंजय‎ खामकर यांनी जीएसटी, कामगार‎ विमा, रॉयल्टीची वसूल केलेली ८७‎ हजार ६४४ रुपये शासन खाती जमा‎ केली नसल्याचे व व्यायामशाळेचे‎ अपूर्ण काम पूर्ण झाल्याचे दाखवून‎ तालुक्यात कार्यरत नसलेल्या‎ कनिष्ठ अभियंता व उप‎ अभियंत्यांची मोजमाप पुस्तिका व‎ मुल्यांकन प्रमाणपत्रावर स्वाक्षरी‎ केल्याचे चौकशीत निष्पन्न झाले. या‎ बीडीओंच्या चौकशी‎ अहवालावरून जिल्हा परिषदेचे‎ मुख्य कार्यकारी अधिकारी अजित‎ पवार यांनी ग्रामसेवक खामकर‎ यांच्यावर निलंबनाची कार्यवाही‎ केली आहे.‎

लव्हुरी येथील पंडित वसंतराव‎ चाळक व इतर नागरिकांनी ९ मे‎ २०२२ रोजी दिलेल्या तक्रारीच्या‎ अनुषंगाने केज पंचायत समितीचे‎ गटविकास अधिकारी यांनी चौकशी‎ केली होती. या चौकशीत‎ ग्रामपंचायतीचे ग्रामसेवक धनंजय‎ आबाराव खामकर यांनी वरिष्ठांचे‎ आदेशाचे पालन केल्या नसल्याचे,‎ ग्रामपंचायतच्या व स्वतःच्या‎ नावावर २ लाख ४० हजार रुपये‎ उचलून लेखासंहिता २०११ मधील‎ तरतुदीचे उल्लंघन करुन‎ अनियमितता केल्याचे दिसुन आले‎ आहे.

तसेच १२ टक्के जीएसटीचे‎ ७३ हजार ३१८ रुपये, १ टक्के‎ कामगार विम्याचे ६ हजार १९० रुपये‎ व रॉयल्टीचे ८ हजार २१६ रुपये असे‎ एकूण ८७ हजार ६४४ रुपये वसूल‎ करून ही रक्कम शासन खाती‎ भरणा केली नसल्याचे निदर्शनात‎ आले. कामातील निधीपेक्षा रक्कम‎ १ हजार ५०० रुपये जास्तीचा खर्च‎ दर्शवून अनियमितता केली आहे.‎ कार्यरत नसलेल्या अभियंत्यांच्या‎ मोजमाप पुस्तिका तयार करुन‎ व्यायामशाळेचे काम पूर्ण असल्याचे‎ दाखवले होते.‎

बातम्या आणखी आहेत...