आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

शाेभायात्रा‎:काेराेनाच्या दाेन वर्षांनंतर यंदा निघणार शाकंभरी देवीची शाेभायात्रा‎

बीड‎एका महिन्यापूर्वी
  • कॉपी लिंक

कर्नाटक राज्यातील बदामीतील शाकंभरी‎ देवीचे मंदिर बीड शहरातही असावे या‎ भावनेतून ३१ वर्षापूर्वी कोष्टी समाज बांधवांनी‎ एकत्रीत येवुन सुरूवातीला जागा खरेदी केली.‎ त्यानंतर ६ वर्षानंतर लाेकसहभाागातून देवीचे‎ मंदिर उभारून देवीची प्रतिष्ठापणा केली हाेती.‎ आता हे मंदिर बीडकरांचे श्रध्दास्थान बनले‎ आहे. कोरोनाच्या दोन वर्षानंतर आज देवीची‎ शोभायात्रा काढली जात आहे.‎ कर्नाटकच्या बदामी येथे शाकंभरी देवी‎ असून या देवीला बनशंकरी असेही म्हटले‎ जाते. हीच देवी महाराष्ट्रात चौंडेश्वरी नावाने‎ ओळखली जाते. या देवीचे मंदिर बीड शहरात‎ असले पाहिजे या उद्दात भावनेतून १९८५ मध्ये‎ समाज बांधवांनी एकत्र येत क्रांतीनगर येथे‎ देवीचे मंदिर उभारण्यासाठी ५० बाय ६०‎ आकाराचा भुखंड लोकसहभागातून खरेदी‎ केला.

त्यांनतर आष्टी तालुक्यातील अंभोरा‎ येथील कारागिरांकडून देवीची काळ्या‎ पाषाणाची मूर्ती आणली. २० मे १९९१ रोजी‎ कर्नाटक राज्यातील हंपी येथील गायत्रीपिठाचे‎ प्रमुख दयानंदपुरी महास्वामी, संत सुदामदेव‎ महाराज यांच्या हस्ते शाकंभरी देवीची‎ प्रतिष्ठापणा करण्यात आली. याच बरोबर‎ गणपती, मारोती, दत्तात्रय, महादेव अशा मूर्तींची‎ प्रतिष्ठापणा करण्यात आली. या मंदिराच्या‎ उभारणीसाठी टी.टी तावरे, वसंतराव वाघुंबरे,‎ राम उपरे, श्रीकृष्ण भंडारे, विठ्ठलराव फासे, बंडू‎ गुगले, सुभाष पांडकर, ज्ञानोबा असलकर यांनी‎ हे मंदिर उभारण्यासाठी परिश्रम घेतले होते.‎

बीड शहरातील हिरालाल चौकातुन शुक्रवारी चौंडेश्वरी‎ देवीच्या शोभायात्रेस रथातुन सुरूवात होणार आहे.‎ फुलांनी सजवलेल्या रथात देवीची प्रतिमा राहणार आहे.‎ ही शोभायात्रा माळीवेस- सुभाषरोड- अण्णाभाऊ साठे‎ चौक, आदर्शनगर मार्गे क्रांतीनगर येथे पोहचणार आहे.‎ या ठिकाणी देवीची महाआरती केली जाणार आहे.‎ -राजेंद्र सपाटे, उत्सव समिती, अध्यक्ष‎

दोन हजार भाविकांसाठी महाप्रसाद‎ चौंडेश्वरी देवीच्या मंदिरात आज शाकंभरी पौर्णिमेच्या‎ निमित्त दोन हजार भाविकांच्या महाप्रसादाचे आयोजन‎ मंदिर ट्रस्ट व कोष्टी समाज बांधवाच्या वतीने करण्यात‎ आले आहे. -सुरेश असलेकर, अध्यक्ष, कोष्टी‎ समाजसेवी मंडळ, बीड‎

कर्नाटकच्या शाकंभरी देवीचे बीडमध्ये ठाणे, लोकसहभागातून ३१ वर्षापूर्वी उभारले हाेते देवीचे मंदिर‎ ३१ वर्षात मंदिराचा‎ कायापालट‎ क्रांतीनगरातील चौंडेश्वरी देवीच्या‎ मंदिराचा मागील ३१ वर्षात‎ भाविकांचा लोकसहभाग व‎ लोकप्रतिनिधींचा विकास निधी‎ यातुन कायापालट झाला आहे.‎ सध्या सभामंडप, हॉल, पिण्याचे‎ पाणी, त्याच बरोबर सध्या‎ सभामंडपात फरशीचे काम आमदार‎ संदीप क्षीरसागर यांच्या विकास‎ निधीतुन होत असल्याची माहिती‎ उपाध्यक्ष रविंद्र म्हेत्रे यांनी दिली.‎

बातम्या आणखी आहेत...